Yatiyañatak yanaptʼanaka
YATIYAÑATAKI
Jisktʼa: ¿Aka arunak istʼirïtati?
Bibliajj kamsisa: Jn 3:16
Qellqata: Aka revistanjja, Jesusan tʼaqhesitapatsa, jiwatapatsa kuna askinaksa jikjjatasma uka toqetwa qhanañchaski.
YATIYAÑATAKI (qhepa janapa)
Jisktʼa: Aka jisktʼa uñjjattʼam ¿jaqenakajj uka toqet kamsapjjesa? [Nayrïr jisktʼampi ukat kimsa qhanañchäwipamp liytʼäta.] ¿Jumajj kamsasmasa?
Bibliajj kamsisa: Mt 4:1-4
Qellqata: Mä kutejja, Jesusajj Supayampiw parläna, Supayasti Diosar jan istʼañapatakiw yantʼäna, ukhamajja Supayajj cheqapuniw utjaski. Supayat Bibliajj ¿kunsa jukʼamp qhanañchi? Aka qellqatanwa uka toqet jukʼamp sum qhanañchaski.
JESUSAN JIWÄWIP AMTAÑATAKI
Qellqata: Mä wakiskir tantachäwiruw invittʼañ munsma. [Invitación churäta.] Marzo phajjsit 23 urunak saraqataruw Jesucriston jiwäwip amtañataki waranq waranqa jaqenakajj oraqpachan tantachasipjjani. Ukanjja Bibliat apstʼat mä arstʼäwiw utjani, kunjamsa Jesusan jiwäwipajj yanaptʼistu ukaw qhanañchasini. Uk istʼañatakejj janiw qollqejj mayiskaniti. Aka invitacionanwa kawkhankanisa, kuna horanis ukajj qhanañchaski. Jutasma ukajj walipunïspawa.
KUNJAMSA YATIYASMA UK QELLQTʼASIM
Kunjams yatiyasma uk juma pachpa akankir yanaptʼanakarjam wakichtʼasim.
