Diosar istʼañäni sat folletojja, jan sum liytʼasiñ yatipki ukanakar Biblian qallta yatichäwinakapat dibujonakampi yatichañatakiw wakichtʼasiwayi. Folleton sapa yatichäwinakapajja, pä jananakankiwa ukat suma ajlltʼat dibujonakaw ukan utjaraki. Mä dibujot yaqha dibujor pasañatakejj jiskʼa flechanakaw utji.

Diosar istʼañäni ukat wiñayatakiw jakañäni sat folletojja, Diosar istʼañäni folleton utjki uka pachpa dibujonakaniwa, ukampis jukʼamp letranakaniwa. Sumpach liytʼasjjapjje ukanakaw uka folletot yatjjatapjjaspa. Uka folletompirakiw jilat kullakanakajj Diosar istʼañäni folletomp yateqasipki ukanakar yatichapjje. Diosar istʼañäni ukat wiñayatakiw jakañäni folleton yaqhep jananakapanjja, jukʼamp yatjjatañataki recuadronakaw utjaraki, ukanakatsa yatjjatasirakispawa.

Uka pä folletonakampejj kunapachas yatiyaskaksnawa. Uka folletonakampi yatichkasajja, kuntï Bibliajj siski uk dibujonakampi sum yatichañatakiw chʼamachasiñasa. Yateqerin arstʼañapatakisa amuyaskiti janicha uk yatiñatakis jisktʼañasarakiwa. Sapa jana tukuyan utjki uka textonaksa liytʼañasawa ukat qhanañchtʼañasarakiwa. Bautisasiñapkama yanaptʼañatakejja, ¿Kunsa Bibliax chiqpachapuni yatichi? sat librompiw folleto tukuyasajj yateqerimp yatjjataskakiñasa.