Amigonakäpki ukanakajja, purapatwa wal munasipjje. Davidajj Goliatar jiwaykäna uka qhepatwa Jonatanampejj suma amigöjjapjjäna (1Sa 18:1). Kunja suma chuymanïpjjesa uk purapatwa uñjasipjjäna, ukham lurapjjatapatwa jukʼamp suma amigöpjjäna. Ukhamajj mä suma amigonïñatakejja, maynirojj sumwa uñtʼañasa, ukatakisti tiempo apstʼasiña chʼamachasiñaw wakisi. Ukampis redes sociales ukanakanjja, may limtʼasakiw “amigonak” jikjjatsna. Internetanjja maynejj kunjam chuymanisa uk janiw amuyañjamäkaspati, ¿kunatsa? Kunanaksa mayninakajj uñjapjjani jan ukajj yatipjjani uk mayni pachpaw apnaqaspa. Ukatwa janïr amigonak aceptkasajj uka toqet sum amuytʼasiñasa. Jumajj jan uñtʼkta ukanakan solicitudanakap jan aceptañsa jan ukajj rechazañsa janiw ajjsarañamäkiti, colerasipjjaniw sasajj janiw ajjsarañamäkiti. Maynejj redes sociales ukanïsajj walja jan walinakanwa uñjasispa, ukatwa yaqhepanakajj jan ukanïñ amtawayapjje. Ukampis jumatï mä red social ukanïñ amtstajja, ¿kunanakatsa amuyasiñama?

REDES SOCIALES UKANAK WALI AMUYUMPIW APNAQAÑAMA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Janïr fotonak apkatkasasa jan ukajj janïr kun qellqkasas kunanakatsa amuyasiñasa?

• ¿Internetan amigonak thaqkasajj kunanakatsa amuyasiñasa?

• ¿Kunatsa redes sociales ukanakan qhawqha tiempos ukankañäni uk amuytʼasiñasa? (Ef 5:15, 16).