Sapürutjamaw jan waltʼäwinakajj jukʼamp utji. Mä jan waltʼäwejj pasi ukhajja, labores de socorro ukankirinakajj suma organiztʼatäpjjañapawa. Ukatwa Cuerpo Gobernantejj oraqpachankir taqe sucursalanakan Departamento de Labores de Socorro utjañapatak instruccionanak churi.

Uka departamenton servirinakajj mä jan waltʼäwi utjatap yatipjje ukhajja, jankʼakiw uka cheqankir ancianonakar jawstʼapjje, ukhamatwa kunjamsa jilat kullakanakar yanaptʼasispa uk yatipjje. Jilat kullakanakatï uka jan waltʼäwir jupanakpachpa jan saykatañ puedipjjchi ukhajja, sucursalajj experienciani mä qhawqha jilatanakaruw labores de socorro uk pʼeqtʼapjjañapatak uttʼayi. Uka jilatanakajja, voluntario jilat kullakanakan yanaptʼapwa mayipjjaspa, kuna cosasanakatï munaski ukanak donacionat churapjjañapatakiw mayipjjaspa, jan ukajj kunanakatï munaski ukanak alasaw jilat kullakanakar churapjjaspa.

¿Kunatsa ukham organiztʼasi? Ukham organiztʼasajja janiw jilat kullakanakajj inamaya wal trabajipkiti, yanaptʼkasajj janiw pantjasipkiti, janirakiw qollqsa cosasanaksa ina chʼusar aptʼapkiti. Yanaptʼañ munir jilat kullakanakatï amtaparjamak yanaptʼapjjaspa ukhajja, kuntï saniwayktan ukanakaw pasaspa.

Sucursalajj uttʼaykani uka jilatanakaw qhawqha qollqesa, qhawqha voluntarionakas munasini uk amtapjjani. Labores de socorro ukan facilak yanaptʼañapatakejja, uttʼayat jilatanakajj autoridadanakampiw parltʼapjjarakispa. Ukhamajja ampsuma, jan mayipkätam ukhajj janiw qollq amtamatak apthapiñamäkiti, kuna cosasanakatï munaski ukanaksa janiw amtamatak apayañamäkiti. Janirakiw jan waltʼäwejj utjki uka cheqar amtamatak viajiñamäkiti.

Jilat kullakanakar wal munastanjja, ukatwa mä jan waltʼäwi utjipan aleq ukhamak jan suyañ munktanti (Heb 13:16). Ukhamajj ¿kunjamsa yanaptʼsna? Jan waltʼäwin uñjasipki uka jilat kullakanakataki, labores de socorro ukan yanaptʼirinakatakiw orarapsna. Obra mundial ukaruw donacionanakas chursna. Sucursalanakajj Cuerpo Gobernanten pʼeqtʼataw trabajipjje, ukhamajj sucursalanakaw kunatakisa, kawkinsa qollqejj munasi uk yatipjje. Labores de socorro ukan yanaptʼañ munstan ukhajja, Solicitud de voluntario local de diseño y construcción (DC-50) sat formulario phoqantañasawa.

BRASIL MARKAN JALLUW JAN WALTʼAYÄNA SAT VIDEO UÑTASAJJA, AKA JISKTʼARUW QHANAÑCHTʼÄTA:

¿Brasil markan kunjamsa labores de socorro ukankirinakajj yanaptʼapjjäna uka videot kunas chuymar purtʼtam?