Jiwasatï Diosan arunakap taqe chuym yatichañänejja, jaqenakajj jukʼamp istʼañwa munapjjestani. Maysa toqetjja, kuntï yatichktan uk wali valoranit uñjataswa uñachtʼayarakiñäni. Kawki markatäskchiñänisa kunjam jaqëskchiñänisa, taqeniw Diosan arunakap kusisit chuymampi jan ukajj taqe chuyma yatichsna (Ro 12:11). ¿Kunas ukatakejj yanaptʼistaspa?

Maya, kuntï yatichktan ukajj kunja importantesa uka toqetwa pienstʼañasa. “Suma yatiyäwinak” yatiyatasajj mä suma privilegiowa (Ro 10:15). Paya, kuntï yatichktan ukajj kunjamsa jaqenakar yanaptʼi ukwa pienstʼañasaraki. Jaqenakajj Diosan arunakap istʼapjjañapawa, ukajj jupanakatak wali importantewa (Ro 10:13, 14). Kimsa, chuymatpachwa parltʼañasa, ukajj ajanusansa, amparanakamp parlatasansa qhanaw amuyasiñapa.

JESUSAN DISCIPULOPAR TUKUYAÑAJJ KUSISKAÑAWA. SUM YATICHAÑATAKI CHʼAMACHASIÑÄNI: DIOSAN ARUNAKAP TAQE CHUYM YATICHAÑÄNI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunatsa Ritajj Rositar taqe chuym jan yatichjjäna?

• ¿Kunas mayamp taqe chuyma Bibliat yatichañatakejj Ritar yanaptʼäna?

• ¿Kunatsa Bibliat yatichktan uka jaqenakan suma chuymanïpjjatap amuyañasapuni?

• Taqe chuym Bibliat yatichañäni ukhajja, ¿kunsa Bibliat yateqerinakasa jan ukajj yaqha jaqenakas lurapjjani?