¿Istʼañatak Bibliajj kunasa? Machaq Mundon Jakirinakataki revisat Bibliajj istʼañatak grabasiwayki ukawa, jukʼat jukʼatwa yaqha arunakar grabasiskaraki. Biblian parlki uka jaqenakatakejja, sapa maynitakiw yaqha arojj ajllisiwayi, ukatwa wali yanaptʼkiri. Janiw ukakïkiti, liytʼaski uka texton kuna arunakas qhanstayasiñapa ukwa qhanstayi, kunjam chuymampis liytʼasiñapa ukhamwa liytʼasiraki, ukhamatwa Biblian yatichäwinakap qhan amuysna.

¿Grabat Biblia istʼañajj kunjamsa yanaptʼistu? Grabat Biblia istʼirinakarojja, ukankapkaspas ukham amuyasipjjañapatakiw yanaptʼi. Niyakejjay grabat Biblia mayni sapak jan liykchitejja, jukʼamp sumwa istʼirinakajj amuyapjje (Pr 4:5). Yaqhepanakarojja llakitäpki ukhajj sumak jikjjatasiñapatakiw yanaptʼaraki (Sl 94:19).

Diosan Arup istʼañajj jakäwisan wal yanaptʼistaspa (2Cr 34:19-21). ¿Grabat Bibliajj phoqatpachasa jan ukajj mä partekisa parlaskta uka arun utjiti? Utjchi ukhajja ¿janit sapa kut istʼañ amtkasma?

GRABAT BIBLIA: ¿KUNJAMSA LURASIWAYI? (FRAGMENTO) SAT VIDEO UÑTASAJJA, AKA JISKTʼARUW QHANAÑCHTʼÄTA:

¿Kunjamsa grabat Bibliajj lurasiwayi ukat kunas wal musparaytamjja?