¿Kunsa Bibliax chiqpachapuni yatichi? librompi ukat lenguaje sencillo librompejj niya pachpakïpjjewa. Uka pä librojja, Biblian cheqa yatichäwinakap yatichañatakejj wali askipuniwa. Ukampis lenguaje sencillo librojja, wali qhana ukat facil amuytʼkañ lurtʼatawa. Uka librojj khitinakatï ¿Kunsa Bibliax chiqpachapuni yatichi? libro jan sum amuyapki ukanakatakiw lurasiwayi. Lenguaje sencillo librojj kawkïr arunakatï jan amuytʼañjamäki ukat jukʼamp qhanañchtʼañ wakisi ukanakjja, sapa yatichäwi tukuyan qhanañchi. Sapa yatichäwejja janiw jisktʼanakampi qalltkiti ni amtañataki jisktʼanakanïkarakisa. Antisas sapa yatichäwi tukuyarojja, Biblian cheqa yatichäwinakap amtañatakejj yanaptʼanakaw utji. Lenguaje sencillo librjja, ¿Kunsa Bibliax chiqpachapuni yatichi? libror uñtasitarakiw yatiykasajj jaqenakar jaytsna, janis uka phajjsejj uka librompi yatiyañajj waktʼchistu ukhasa jaytaraksnawa. ¿Kunjamsa lenguaje sencillo libro jaqenakar yatichañatak sum apnaqsna?

AMTAÑATAKI: Waljanitakejja liytʼasa ukhamarak jisktʼasa Bibliat yatjjatañajj wali askiwa. Ukampis Bibliat yatichktan uka jaqejja, inas yatichktan uka aru jan sum parlañ yatkchiti, jan ukajj jan liytʼasiñ yatkchiti. Ukhamajja sapa yatichäwi tukuyan utjki uka amtañataki yanaptʼanakampiw jupanakar yatichsna, ukatjja uka yatichäwi jupa pachpa liytʼañapatakiw yateqerisar chʼamañchtʼsna. Biblian mä cheqa yatichäwipjja, 15 minutonakanwa yateqerisampi yatjjatsna. Amtañataki yanaptʼanakajja, janiw kunanakatï yatichäwin qhanañchki ukarjam taqpach qhanañchkiti, ukhamasti janïräkipanwa sum wakichtʼasiñasa, ukat kunjamsa yateqerisar yanaptʼsna ukarjamaw wakichtʼasiñasa. Taqpach yatichäwit yateqerisampi yatjjatañäni ukhajja, amtañataki yanaptʼanakajj kuntï yatjjatawayktan ukanak amtañatakiw yanaptʼarakistani.

QHANAÑCHÄWINAKA: Kawkïr arunakatï jan amuytʼañjamäki ukat kunanakas jukʼamp qhanañchtʼañajj wakisi ukanakajja, sapa yatichäwi tukuyan qhanañchasi. Sapa mayniw qhanañchäwinak yatjjatañäniti janicha uk amtjjañasa.