Wayn tawaqonakajja, wiñayaw wayn tawaqösipkä sasaw amuyapjje. Ukhamarus janiw ‘chʼama tukuña urunakasa ukhamarak maranakasa’ uñjapkäti sasaw sapjjaraki (Ec 12:1). Jumatï waynäsksta jan ukajj tawaqösksta ukhajja, ¿janit Diosar jukʼamp sirvkasma? ¿Janit precursorat Diosar sirvkasma?

“Jan waltʼañajj taqeniruw puri” sasaw Bibliajj qhanañchi, waynanakarus ukhamarakiw pasaspa (Ec 9:11). Jumanakajja, “janiw yatipktati kunatejj qharürojj paskani ukjja” (Snt 4:14). Ukhamasti Jehová Diosar jukʼampi serviñatakiw chʼamachasipjjañama. Kunjamtï Bibliajj siskejja walja lurañanakar apiri ‘mä jachʼa punkuw’ wayn tawaqonakatakejj utji (1Co 16:9, NM). Ukham lurapjjatamatjja janiw amtasipkätati.

• Yaqha aru parliri jaqenakar Diosan arunakap yatiyasa.

• Precursorat servisa.

• Diosan markapan utjki uka escuelanakar sarasa.

• Tantachasiñ Utanakajj luraski ukan yanaptʼasa.

• Betelan trabajisa.

• Tamanak tumptʼirjam servisa.