Humildëñaw Gedeón chacharojj sumankañ thaqañapatak yanaptʼäna (Jue 8:1-3; w21.07 págs. 16, 17 párrs. 10, 11).

Niyakejjay Gedeonajj humildëchïnjja, janiw jupa pacha jachʼañchasiñ thaqkänti antisas Jehová Diosaruw jachʼañchäna (Jue 8:22, 23; w17.01 pág. 20 párr. 15).

Abimélec chachajj jachʼa jachʼa tukurïnwa, ukhamätapatwa jupa pachparusa mayninakarus jan waltʼayäna (Jue 9:1, 2, 5, 22-24; w08 2/1 pág. 15 párr. 9).

Predicacionan maynejj wali colerata mistunini ukhajja, ¿kunjamsa humildëñajj suma arunakampi jaysañatak yanaptʼistani?