Kullakanakajja walpun Diosan Reinopar yanaptʼasipki (Sl 68:11). Kullakanakaw jilatanakat sipansa waljanir Bibliat yatichapjje, jilaparte precursor regularanakajj kullakanakäpjjarakiwa. Walja waranqa kullakanakaw Betel utanakana, misioneranakjama, voluntarianakjama, construccionana, traduccionan wal trabajtʼasipkaraki. Diosar serviñan suma saytʼäta kullakanakajja, familiaparusa congregacionarus wal yanaptʼapjje (Pr 14:1). Kullakanakajj janis ancianota, siervo ministerialata serviñ puedipkchejja, congregacionan kunayman toqet yanaptʼañatakiw chʼamachasipjjaspa. Ukhamajj ¿kunanakampsa Jehová Diosar jukʼamp serviñatak lurapjjasma?

• Suma cristianäñatakiw chʼamachasip­jjasma (1Ti 3:11; 1Pe 3:3-6).

• Jukʼa experiencianïpki uka kullakanakaruw yanaptʼapjjasma (Tit 2:3-5).

• Jukʼamp suma ukhamarak walja tiempwa predicapjjasma.

• Tantachasiñ Utanak qʼomachasa, mantenimiento lurasa, jan ukajj construccionanwa yanaptʼapjjasma.

• Yaqha aru yateqapjjasma.

• Kawkjantï jukʼamp publicadoranakajj munaski ukaruw sarapjjasma.

• Betelar sarañataki jan ukajj construccionan yanaptʼañatakiw solicitud phoqantapjjasma.

• Escuela para Evangelizadores del Reino ukar sarañatakiw solicitud phoqantapjjasma.

‘KULLAKANAKAJJ TATITUN LURÄWIPAN WAL TRABAJTʼASIPKI’ SAT VIDEO UÑTASAJJA, AKA JISKTʼARUW QHANAÑCHTʼÄTA:

• ¿Kunjamsa uka kullakanakan experiencianakapajj chʼamañchtʼawaytam?