Churiri jaqejja, mayninakarojj churirïpjjañapatakiw yanaptʼi sasaw Jesusajj säna (Lu 6:38). Jiwasatï churirïñäni, mayninak laykus sumanak lurañäni ukhajja, jilat kullakanakajj jiwasjam lurañatakiw chʼamachasipjjarakini.

Maynir taqe chuyma churañajja, Jehová Diosar adorañampi sasiwa. Yanaptʼa munapki uka jilat kullakanakar kunjamsa taqe chuyma yanaptʼtan ukanak Jehová Diosajj uñjaskiwa, jupajj ukham luratasat bendisistaniwa (Pr 19:17).

CHURIRÏPJJATAMAT YUSPÄRATÄPJJTAWA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Jilat kullakanakar yanaptʼañatak donacionanakajj kunjamsa apnaqasi?

• Jukʼakis jan ukajj waljas utjchistu ukhajja, ¿kunatsa churirïskakiñasa? (“Quienes tienen más ayudan a quienes tienen menos” sat yatichäwi Internetan jw.org cheqan liytʼam).