KUNATSA WALI WAKISKIRI. Cheqpach cristianonakajj munasirïpjjatapatwa uñtʼatäpjjani sasaw Jesusajj säna (Jn 13:34, 35). Jupjam munasirïñatakejja, mayninakat llakisiñasawa, janirakiw jankʼak colerasiñasäkiti (1Co 13:5).

KUNJAMSA LURSNA

• Maynejj arumpisa luratapampis chuym ustʼayistani ukhajja, kunas jan waltʼayasiñar apistu, coleramp atipayassna ukhajj kuna jan walinsa uñjassna ukanakwa amuytʼañasa (Pr 19:11).

• Taqeniw pantjasirïtanjja, ukatwa awisajj arunakampisa luratanakampis pantjastanjja, uk janipuniw armañasäkiti.

• Maynimp jan waltʼayasisajja, jankʼakiw sumankthapiñasa.

‘MAYNIT MAYNIKAM MUNASIPJJAÑÄNI’: KHITITÏ MUNASIRÏKI UKAJJ JANIW TAQE KUNS JUPATAKIK MUNKITI NI JANKʼAKIS COLERASKITI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• “Tantachäw tukuyar parltʼsnati” satajja, ¿Daniel jilatajj kamsänsa?

• ¿Kunas Tomás jilatarojj jan toqesiñatak yanaptʼäna?

• ¿Tomás jilatan humilde chuymamp parltʼatapajj kunjamsa yanaptʼäna?