CRISTIANJAM JAKAÑATAKI
Cristianonakajj munasirïpjjewa: Kunatejj cheqäki ukat kusisiñäni
KUNATSA WALI WAKISKIRI. Jesusat yateqasisaw kunas Diosan amtapajja uka toqet kunatï cheqäki uk yatiyañasa (Jn 18:37). Akapachajj jan walinakampi kʼarisiñanakampi phoqantatäkchisa, kunatï cheqäki ukatwa kusisiñasa, parlañasa ukhamarak lupʼiñasa (1Co 13:6; Flp 4:8).
KUNJAMSA LURSNA
-
Janiw arunak apnaqañasäkiti, ni uka arunaksa istʼañasäkiti (1Te 4:11).
-
Mayninakan jan walinakan uñjasipjjatapat janiw kusisiñasäkiti.
-
Kunatï walïki ukanakatwa lupʼiñasa.
‘MAYNIT MAYNIKAM MUNASIPJJAÑÄNI’: KHITITÏ MUNASIRÏKI UKAJJ JANIW KUNATÏ JAN CHEQAPÄKI UKAT KUSISKITI, JAN UKASTI KUNATEJJ CHEQÄKI UKATWA KUSISI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
-
‘Kunatejj jan cheqapäki’ ukatwa Lola kullakajj kusisïna sasajj ¿kunatsa sissna?
-
¿Kunjamsa Alicia kullakajj kunatï walïki ukat parlañatak chʼamachasïna?
-
¿Kuna toqenakat parlañasas walïspa?
Kunatï jan cheqapäki ukat kusisiñat sipansa, kunatejj cheqäki ukatwa kusisiñasa.