¿Kunjam amigonïñsa munasma? Inas jan jaytjasiri, suma chuymani, wajjtʼasiri amigonïñ munsta. Jehová Diosajj ukham amigowa (Éx 34:6; Hch 14:17). Jupajj oracionanakam istʼiwa, yanaptʼatäñ munta ukhas yanaptʼaraktamwa (Sl 18:19, 35). Pantjasitanakamsa perdonaraktamwa (1Jn 1:9). ¡Jehová Diosajj mä suma amigopuniwa!

¿Jehová Diosan amigopäñatakejj kun lurañamasa? Biblia liyiñamawa, juparuw confiyañamaraki (Sl 62:8; 142:2). Reinopasa, Yoqapasa, promesanakapas jumatak importantëtapwa uñachtʼayañama. Mayninakarojj Jehová Diosat parlañamarakiwa (Dt 32:3). Jumatï Diosan suma amigopäyäta ukhajj wiñayatakiw jupajj amigomäni (Sl 73:25, 26, 28).

WAYN TAWAQONAKA: ‘YANTʼAPJJAM UÑJAPJJARAKIM DIOSAN MUNASIÑAPA’ SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Jehová Diosar vidam katuyasiñatakisa, bautisasiñatakis kunjamsa wakichasisma?

• ¿Kunjamsa Jehová Diosar jukʼamp serviñatakejj jilat kullakanakajj yanaptʼapjjeristam?

• ¿Jehová Diosamp suma amigöñatakejj kunjamsa predicañajj yanaptʼiristam?

• ¿Kunanaksa Jehová Diosar jukʼamp serviñatakejj lurasma?

• ¿Diosajj kunjam Diosäkiti ukanakat kunas wal gusttam?