Jesusajj ‘Diosan Reinopat suma yatiyäwinakwa’ yatiyäna, uka Reino jutañapatak mayipjjañapatakis jaqenakar yaticharakïnwa (Lu 4:43; Mt 6:9, 10). Noviembrenjja, Diosan Reinopat yatiyañatakejj jukʼampiw chʼamachasiñäni (Mt 24:14). ¿Uka campañan yanaptʼañatakejj tiempo apstʼassnati? Uka phajjsejja precursor auxiliaranakajj 30 jan ukajj 50 horanakwa yatiyapjjaspa.

Campañanjja, Diosan Reinopat parlir mä texto taqe jaqenakar liytʼarapiñatakiw chʼamachasiñasa. Janïr mä texto liytʼkasajja, territoriosankir jaqenakajj kunsa creyipjje uk sumwa amuytʼañasa. Nayrïr kuti mä jaqemp parltʼañäni, ukat jupajj jukʼamp yatiñ munarakini ukhajja, Yatiyañataki (yatiyir sarañataki) payïri, 2020 revistwa jaytañasa. Uka jaqemp wasitata jankʼak parltʼañatakiw chʼamachasiñasa, Bibliat yatichañatak herramientanakan utjki uka yanaptʼanakat maynïrimp Bibliat yatichañatakiw chʼamachasiñasaraki. Niyaw Diosan Reinopajj aka oraqenkir gobiernonakarojj tukjani (Da 2:44; 1Co 15:24, 25). Ukhamajj Jehová Diosaru, Reinoparu taqe chuyma munasitasjja uka campañar yanaptʼasaw uñachtʼayañäni.