CRISTIANJAM JAKAÑATAKI
Jukʼamp sum yatiyañataki: tantachäwinakar jutapjjañapatak invittʼañäni
KUNATSA UK LURAÑAJJ WAKISI: Tantachäwinakanjja, Jehová Diosaruw qʼochunakampi arunakasampi yupaychtanjja (Sl 149:1). Diosan munañap phoqañatakis yanaptʼarakistuwa (Sl 143:10). Bibliat yateqañ munirinakasa ukat yateqerinakasa, tantachäwinakar jutasajj jankʼakiw ajay toqet jiltapjjaspa.
KUNJAMSA UK LURSNA:
-
Tantachäwinakarojj jankʼakiw invittʼañasa. Janiw kunapachatï Bibliat yatichañ qalltkañäni ukhakam suyañasäkiti (Apo 22:17).
-
Tantachäwinakar sarasajja, kuna askinaksa yateqani ukat kuna toqetsa yatjjatasini ukanakwa Bibliat yatjjatañ munirinakar qhanañchtʼsna. Ukatakejj akanakaw yanaptʼistaspa: tantachäwir jutañapatak invitación, ¿Kunjamsa tantachäwinakajj apasi? sat video ukat ¿Khitinakas Jehová Diosan munañap lurasipki? sat folleton 5 ukat 7 yatichäwinakaw yanaptʼistaspa.
-
Tantachäwir jutañapatakejj yanaptʼañasawa. Inasa utapat irptiri sarañajj wakischi, jan ukajj kunjam isinis sarani uk sañas wakisirakchini. Tantachäwinjja jupampiw qontʼasiñasa, Bibliat apstʼat qellqatanaksa maytʼañasarakiwa. Yaqha jilat kullakanakaruw uñtʼayañasa.