CRISTIANJAM JAKAÑATAKI
¿Yatiykasajj wawanakamp parlañasäspati?
Diosan arunakap yatiykasajj mä wawatï punku jistʼaristani ukhajja, awk taykamar jawsanim sasaw sañasa. Ukham lurasajj awk taykapar respetataswa uñachtʼaytanjja (Pr 6:20). Mä wawatï mantasinkakim sistani ukhajja, janiw utapar mantañasäkiti. Awk taykapatï jan tiemponïpkchi ukhajj yaqha uruw wasitampi kuttʼsna.
Mä qʼajjo wayn tawaqotï uta punku jistʼaristani ukhas awk taykamar jawsanirapita sasaw saskakiñasa. Awk taykapatï jan tiemponïpkani ukhajja, mä revista jaytirisma ukhajj awk taykamatak walikïskaspati janicha sasaw jisktʼaraksna. Jïsa sistani ukhajja, Bibliat apstʼat mä qellqat jaytsna ukat inas Internetan jw.org cheqar mantañapatak uñachtʼayaraksna.
Mä qʼajjo waynaru jan ukajj tawaqor mayamp visitʼkañäni ukhajja, awk taykapampi parltʼañatakiw mayiñasa. Ukhamatwa kunatsa wawanakapar visittʼasktan uk qhanañchtʼsna. Ukhamarus Biblian suma ewjjtʼanakapjja, jupanakatak liytʼarapiraksnawa (Sl 119:86, 138). Awk taykanakaru respetatas uñachtʼayañäni ukhajja, jupanakajj wali askit uñjapjjestani ukat familpacha Bibliat yatjjatañsa munapjjarakispawa (1Pe 2:12).