Jesusajj warminakaru wawanakaru ukhamarak 5.000 chachanakaruw mä milagro lurasin manqʼayäna. Uka qhepatwa discipulonakapar akham säna: “Jiltʼanak apthapipjjam, ukhamat jan kunas ina chʼusar wartasiñapataki” sasa (Jn 6:12). Jiltʼanak ukham apthapiyasajja, Jehová Diosar wajjtʼasirïtapatwa Jesusajj yuspäräna.

Jichhürunakanjja, Oraqpachan Jilïr Irpirinakajj ukhamarakiw Jesusat yateqasisajj Diosan markapan utjki ukanak sum apnaqapjje. Amuytʼañataki, Warwick (Nueva York) markankir Betel uta lurañatakejja, utanakajj kunjamänisa uk sum amuytʼasaw planonakajj lurasïna, ukhamat jilat kullakanakan donacionanakap jan ina chʼusar aptʼañataki.

¿DIOSAN MARKAPAN UTJKI UKANAK KUNJAMSA WALI AMUYUMP APNAQSNA?

• Tantachäwinakankkasa.

• Jiwasatak qellqatanak mayiskasa (km 5/09 pág. 3 párr. 4).

• Predicañatak qellqatanak apsuskasa (mwb17.02 “Bibliat apstʼat qellqatanak sum apnaqapjjañäni” párr. 1).

• Diosan arunakap yatiykasa (mwb17.02 “Bibliat apstʼat qellqatanak sum apnaqapjjañäni” párr. 2, recuadrompi).