SUM YATICHAÑATAK CHʼAMACHASIÑÄNI | BIBLIAT YATICHASAJJ JUKʼAMP KUSISITÄÑATAK CHʼAMACHASIÑÄNI
Jilat kullakanakampi yanaptʼayasipjjañäni
Jehová Diosajj taqe jilat kullakanakas taypiw yanaptʼistu (1Pe 5:9). Jupanakaw Diosan arunakap jukʼamp sum predicañatak yanaptʼapjjestu. Sañäni, apóstol Pablorojja walja cristianonakaw yanaptʼapjjäna, jupanakat yaqhepajj akanakänwa: Áquila, Priscila, Silas, Timoteo (Hch 18:1-5).
¿Kunjamsa yaqha publicadoranakajj yanaptʼapjjeristam? Jan istʼañ munapki ukanakar predicañataki, revisitanak lurañataki, Bibliat yatichañ qalltañataki, jan ukajj Bibliat maynir sum yatichañatakiw yanaptʼapjjeristam. Congregacionan khitis yanaptʼiristam uk amuytʼasim, juparuw yanaptʼap mayisma. Panpachaniw mejorañatak yanaptʼasipjjäta, maynit maynikamas chʼamañchtʼasipjjarakïtawa (Flp 1:25).
JESUSAN DISCIPULOPAR TUKUYAÑAJJ KUSISKAÑAWA. JEHOVÁ DIOSAN YANAPTʼAP KATOQAPJJAÑÄNI: JILAT KULLAKANAKA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
-
Rositar tantachäwinakar invittʼañatakejj ¿kunsa Ritajj luräna?
-
¿Kunatsa yaqha jilat kullakanakar Bibliat yatichir irpañasa?
-
Congregacionan taqeniw Jesusan discipulopar tukuyañatakejj yanaptʼsna.
Jilïr kullakampi Rositampejj ¿kunansa pachpaki amuyapjjäna?
-
Diosan arunakap sum yatichañatakejj ¿kunsa jilat kullakanakat yateqasisma?
