Trabajo jikjjatañajj chʼamäki ukhajja, Diosan Reinopa, kunatï Dios nayraqatan cheqapäki ukanak nayrar uchaskakiñajj chʼamakïspawa. Ukatwa Diosar serviñ jarkʼkistu jan ukajj Diosan leyinakap pʼakintki uka trabajo katoqañatak yantʼata uñjassna. Ukampis kuntï Diosan arupajj siski uk jan armañäniti, ‘Jehová Diosan nayranakapajj wali amuyumpiw aka oraqpach uñchʼukisinki, ukhamat khitinakatï jupar phoqat chuymamp servipki ukanak laykojj chʼamap uñachtʼayañataki’ (2Cr 16:9). Jupajj munasiri awkiwa, janiw kunas jiwasanakar yanaptʼañatakejj jarkʼkaspati (Ro 8:32). Ukhamasti trabajo toqet mä amtar purkañäni ukhajja, Jehová Diosar confiyapjjañäni. Taqe kunat sipansa Diosar serviñaw vidasan nayrankañapa (Sl 16:8).

JEHOVÁ DIOSATAKJAM TAQE CHUYMA TRABAJIPJJAÑÄNI SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunatsa Julio jilatajj qollqe jan chilltayaskäna?

• ¿Kunjamsa Colosenses 3:23 textorjam sarnaqsna?

• Julion sum sarnaqatapajj ¿kunjamsa Tomás chachar yanaptʼäna?

• ¿Kunjamsa Mateo 6:22 textorjam sarnaqsna?