CRISTIANJAM JAKAÑATAKI
¡Wiñayatakiw kusisit jakasisma! Bibliat yatichañatak machaq yanaptʼanaka
¡Bibliat yatichañatak mä machaq librompi folletompi utjatapajj kusiskañawa! Discipulonak tukuyañatak chʼamachasktan ukarojj Jehová Diosajj bendisispa ukwa muntanjja (Mt 28:18-20; 1Co 3:6-9). ¿Kunjamsa uka pä machaq qellqatanak apnaqsna?
Niyakejjay uka yanaptʼanakajj yateqerimpi parltʼasis yatjjatañatakïchejja, kunjamtï yatichirïkayätan uk mayjtʼayañaw wakisini. Ukhamajj akarjamaw wakichtʼasisma, Bibliatsa yaticharakisma: *
-
Taqpach yatichäwi liytʼañamawa, jisktʼanakatsa amuytʼañamarakiwa.
-
Liytʼañataki utjki uka textonak liytʼañamawa, kunsa yatichi uk amuyañapatakis yateqerimarojj yanaptʼañamarakiwa.
-
Uñtayañatak videonakajj utjki ukanak uñtayañamawa, qellqatan uñstki uka jisktʼanaksa lurañamarakiwa.
-
Bibliat yatjjatapkäta ukhajja mä yatichäw phoqatpach yatjjatañatakiw chʼamachasiñama.
Predickäta ukhajj folletompiw yatiyañ qalltäta, ukhamat yatjjatañ muniti janicha uk yatiñataki (“ ¡Wiñayatakiw kusisit jakasisma! sat folleto kunjamsa nayrïr visitan jaytasma” sat recuadro uñjjattʼäta). Follet tukuyjjapjjsta ukat yateqerejj yatjjatañ munaskakchi ukhajja, libro churañama. Ukatjja 4 yatichäwit yatjjatañ qalltapjjäta. Bibliat yatichañatak utjkistu uka qellqatanakamp yatichaskstanjja, ¡Wiñayatakiw kusisit jakasisma! sat librompi yatichañwa qalltasma. Kawkir yatichäwimpis qalltasma uk jumaw amtjjäta.
WALIKPUN BIBLIAT YATEQAÑ AMTAWAYTAJJA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:
-
¿Kunsa Bibliat yateqerinakajj machaq libromp yateqapjjani?
-
¿Kunatsa machaq yateqerinakarojj uka video uñtayañasa?
-
¿Kunanak amtañatakis Bibliat yateqerirojj chʼamañchtʼasma? (“ Sapa seccionan wakiskir yatichäwinaka metanaka” sat recuadro uñjjattʼäta).
^ Párrafo 4 NOTA: “Jukʼamp yatjjatañataki” sat seccionat yatjjatañajj sapa maynitäjjewa, ukampis wakichtʼaskäta ukhajj taqpachwa yatjjatañama. Ukhamatwa kuna toqenakatsa yateqerejj yatjjatañ munaspa uk amuyäta, ukajj yateqerirus wal yanaptʼarakini. Internetan jw.org jan ukajj JW Library aplicacionanjja, videonakar mantañatakisa jukʼamp yatjjatañatakis enlacenakaw utji.
|
SAPA SECCIONAN WAKISKIR YATICHÄWINAKA METANAKA |
|||
|---|---|---|---|
|
YATICHÄWINAKA |
KUNSA YATEQÄTA |
YATEQERITAK METANAKA |
|
|
1 |
1-12 |
Kunjamsa Bibliajj yanaptʼistaspa, Biblia churkistu uka Diosarojj kunjamsa uñtʼsna ukanakwa yatjjatañäni. |
Yateqerirojj Biblia liyiñapataki, sapa estudiotak wakichtʼasiñapataki, tantachäwinakar sarañapatakiw chʼamañchtʼañama. |
|
2 |
13-33 |
Kunanaksa Diosajj jiwas layku lurawayi, kunjam adoratäñsa muni ukanakwa yatjjatañäni. |
Yateqerirojj Bibliat yaqhanakar parlañapataki, publicadoräñapatakiw chʼamañchtʼañama. |
|
3 |
34-47 |
Diosajj kunsa sapa mayni servirinakapar mayi ukwa yatjjatañäni. |
Yateqerirojj Jehová Diosar vidap katuyasiñapataki, bautisasiñapatakiw chʼamañchtʼañama. |
|
4 |
48-60 |
Kunjamsa Diosan munasiñapan sarnaqaskaksna ukwa yatjjatañäni. |
Yateqerirojj kunatï walïki jan walïkaraki uk amuyañapatakiw yanaptʼañama, nayrar sartaskakiñapatakis chʼamañchtʼañamarakiwa. |
