Aka qhepa urunakan jakañajj chʼamakiwa. Kunayman jan walinakaw utji. Niyakejjay aka jan wali pachan tukusiñapajj wali jakʼankjjchejja, jan walinakajj sapürutjamaw jukʼamp jiljjattani. Kunatï jakañatak wakiski ukanakat yaqhepajj pistʼjjestaspawa (Hab 3:16-18). ¿Qollqe toqet pistʼañajj utjaspa ukhajj kunas jan llakisiñatak yanaptʼistaspa? Ukhaman uñjassna ukhajja, Jehová Diosaw yanaptʼitani sasaw confiyañasa. Diosajj amigonakapar jan jaytjaña, kunatï wakiski uk taqe horasan churañwa arsuwayi (Sl 37:18, 19; Heb 13:5, 6).

¿Kunsa jumajj lurasma?

• Jehová Diosaruw ‘irpasita, yatiñ churita, yanaptʼita’ sasin ruwtʼasiñama (Sl 62:8).

• Kuna kasta trabajsa katoqtʼasiñamakiwa (g-S 1/10 págs. 8, 9, recuadronaka).

• Biblia sapüru liyiñsa, tantachäwinakar sarañsa, predicañsa ukat yaqha ukham wakiskirinakatsa janiw armasiñamäkiti.

JAN WALTʼÄWINAK AGUANTIR UTA UTACHAPJJAÑÄNI: ‘KUNATÏ UTJKISTU UKAMPEJJ KUSISITAKÏPJJAÑÄNI’ SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kuna jan walinakansa uka familiajj uñjasïna?

• ¿Kunas jakäwisan jukʼamp wakiskirejja?

• ¿Pisin jakasirinakarojj kunjamsa yanaptʼsna?