Khitinakarutï wal munasktan ukanakat maynejj jiwjje ukhajja, jiwatat jaktañ utjatap yatiñaw chuymachtʼistu. Ukhamäkchisa, juchasa jiwañasa jan waltʼayiri mä telar uñtataw taqenir imjjatistu (Is 25:7, 8). Ukatwa “Diosan taqe luratanakapajj [taqpachani] jachasipki, taqpachanirakiw jichhakamajj wal tʼaqesisipki” (Ro 8:22). Jiwatanakan jaktaniñapkamajja, ¿maynin jiwatapat jan sinti llakisiñatakejj kunas yanaptʼistaspa? Biblian utjki uka wiñay yatichäwinakaw yanaptʼistaspa.

LLAKIMPI JAN AYNACHTʼAÑATAKEJJ ¿KUNSA LURASMA? SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunas Danielle, Masahiro, Yoshimi jupanakar pasäna?

• ¿Kuna phesqa ewjjtʼanakas jupanakar yanaptʼäna, ukat kunjamsa?

• ¿Khitis sum chuymachtʼistaspa? (2Co 1:3, 4).