Cheqas awisajj llakitaw jikjjatastanjja, ukajj janiw jan walïkiti. Llakisiñajja Diosarus jan confiyjjsna ukham janiw sañ munkiti. Jehová Dios pachpas awisajj llakitaw jikjjatasiraki (Gé 6:5, 6). Ukampis ¿jukʼamp llakitak jikjjatasjjstan jan ukajj sapa kutis wali llakitakïskstan ukhajj kunsa lursna?

Jehová Diosar yanaptʼa mayim. Kunjamas amuyusansa chuymasansa jikjjatastan ukanakat Diosajj wal llakisi. Kusisitäsktanti jan ukajj llakitäsktancha uks yatirakiwa. Chuymasas amuyusas kunjamäskisa uks amuyarakiwa (Sl 7:9b). Ukhamajja, llakita jikjjatasktan jan ukajj llakimpi aynachtʼatäktan ukhajj jupaw yanaptʼistaspa, Diosajj sapa mayni jiwasanakatwa llakisi (Sl 34:18).

Amuyus jarkʼaqañasawa. Janis kunatak sirvksna ukham amuyasiñajja, janiw kusisita jakasiñak apaqkistaspati, jan ukasti Jehová Diosamp sum apasitassa jan waltʼayarakispawa. Ukatwa chuymas sum jarkʼaqañasajj wali wakiskiri, mä arunjja, chuymassa amuyussa jarkʼaqañasawa (Pr 4:23).

LLAKITÄKASASA JILAT KULLAKANAKAJJ SUMANKAÑANWA JAKASIPJJE SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunanaksa Nikki kullakajj llakimpi jan aynachtʼañatakejj luräna?

  Respuesta

• ¿Kunjamatsa Nikki kullakajj doctoran ukar sarañ wakisitap amuyasïna? (Mt 9:12).

  Respuesta

• ¿Nikki kullakajj kunjamsa Jehová Diosamp yanaptʼayasïna?

  Respuesta