Waljanejja, autoridadanïpki ukanakarojj jan walitwa uñjapjje, razonaniw ukham uñjapjje. Walja autoridadanakajja, jupan askipak thaqasajj mayninakat aprovechasipjjewa. Nayratpachaw ukham jan wal lurapjjatapajj uñjasi (Miq 7:3). Ukampis Diosan markapan janiw ukhamäkiti. Jehová Diosajja, ancianonakarojj congregacionar yanaptʼapjjañapatakiw yatichi (Est 10:3; Mt 20:25, 26).

Ancianonakajj janiw akapachankir autoridadanakjamäpkiti, janiw jupanakan askipak thaqapkiti. Jehová Diosaru, jilat kullakanakar munasipjjatap laykuw kuns lurapjje (Jn 21:16; 1Pe 5:1-3). Ancianonakajj Jesusan pʼeqtʼataw jilat kullakanakarojj yanaptʼapjje. Jehová Diosan familiap taypin sumak jikjjatasipjjañapataki, Diosat jan jitheqtapjjañapatakiw yanaptʼapjje. Jehová Diosan ovejitanakapar chʼamañchtʼañatakejj jankʼakïpjjewa. Jan waltʼäwinakajj utjki ukhasa, jan ukajj maynejj mä akatjamat usunti ukhasa, jilat kullakanakar yanaptʼirejj jankʼakiw sarapjje. Jumatï yanaptʼa munsta ukhajja, jan payachasisaw jankʼaki congregacionamankir mä ancianompi parltʼañama (Snt 5:14).

ANCIANONAKAW CONGREGACIÓN CUIDAPJJE SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Mariana kullakarojj ancianonakan yanaptʼapajj kunjamsa yanaptʼäna?

  Respuesta

• ¿Elías jilatarojj ancianonakan yanaptʼapajj kunjamsa yanaptʼäna?

  Respuesta

• ¿Kunanaktï ancianonakajj lurapki ukanakat kunsa uka video uñtasajj amuyta?

  Respuesta