ACOMODADORES. Jupanakajj asamblear jutirinakaru yanaptʼañatakiwa. Jupanakaw kawkjansa autonakajj saytʼayasiñapa, kawknämsa sarañasa uk sapjjestani, asientonaksa uñachayapjjestani ukat yaqhanaksa yatiyapjjarakistani. Ukhamajj kuntï jupanakajj sapkani ukarjamapuniw lurañasa.

BAUTISMO. Bautisasirinakatakejj plataforma uñkatasiruw asientonakajj wakichasini, jan ukhamäkanejj yatiyasiniwa. Sábado alwajja, bautisasirinakataki arstʼäwi janïr qalltkipanwa bautisasirinakajj uka asientonakar qontʼasjjapjjañapa. Sapa mayniw toallampi, umar mantañataki isimpi apasiñapa.

DONACIONES. Akham tantachasiñatakejj walja gastonakaw utjawayi: asientonak utjañapataki, arstʼäwinak sum istʼañataki, videonak uñjañataki ukat yaqha yanaptʼanakampitaki. Ukhamatwa aka asamblean wali kusisitätanjja, Jehová Diosarus jukʼampirakiw jakʼachastanjja. Donacionanakamajj uka gastonakataki ukat Diosan arunakapajj oraqpachan yatichasiñapatakiw yanaptʼi. Qollqe irantañamatakejja, cajanakajj taqe cheqanakan uchatawa. Internetan donate.pr418.com sat cheqar mantasas qollqemp yanaptʼarakismawa. Cuerpo Gobernantejj Diosan Reinopar qollqempi yanaptʼatamat walpun yuspäranipjjtamjja.

PRIMEROS AUXILIOS. Ukan yanaptʼirinakajja, aka asamblean jan waltʼapki ukanakatakikiwa.

OBJETOS PERDIDOS. Chhaqat yänaka jan ukajj cosasanak aptäta ukhajja, objetos perdidos uka cheqaruw jaytaniñama. Jumatï kuns chhaqayasïtajja, uka cheqaruw thaqer sararakisma. Chhaqapki uka wawanakjja ukarurakiw irpäta. Wawanakamjja sum uñjapjjäta, janiw sapak sarnaqapjjañapäkiti, jumanakampïñapawa.

ASIENTOS. Familiamataki, jumamp chika sarapki jan ukajj jumamp Bibliat yateqapki ukanakatakikiw asientonak imasma. Janiw yaqha asientonakarojj yänakama jan ukajj cosasanakam uchañamäkiti.

SERVICIO VOLUNTARIO. Aka asamblean yanaptʼañ munsta ukhajja, Departamento de Información y Servicio Voluntario siski uka cheqaruw saräta.