Aka seccionat qalltasajj Griego Arut Qellqatanakatwa yatjjataskañäni. Jesusajja mä jiskʼa markan jakasiri pobre familianwa nasïna. Carpintero tatapampiw trabajirakïna. Jesusajj jaqenakar salvañatakiw jutäna. Jehová Diosajj alajjpachankir Reinon Reyipäñapatakiw jupar ajllïna. Jumatï wawanïstajja, akanak amuyañapatakiw yanaptʼañama: Jesusan sum jilsuñapatakejja Diosajj wali amuyumpiw jupar serviri mä suma familia ajllïna. Herodesajj jiwayañ munkäna ukhasa Diosaw jarkʼaqäna, Diosan amtanakapajj phoqasipuniwa, janiw khitis jarkʼkaspati. Jehová Diosajja Jesusan thakip wakichañapatakejj Juan chacharuw ajllïna. Jesusajj jiskʼatpachwa Jehová Diosan yatichäwinakapar munasïna, Diosampipuniw irpayasirakïna.