Diosajj Salomonar yatiñ churäna, templo lurayarakïna. Ukampis jupajj jukʼat jukʼatwa Diosat jitheqtjjäna. Wawanïstajja, kunjamsa idolor servirinakajj Salomonar Diosat jitheqtayapjjäna uk qhanañchäta. Reinojj payaruw jaljtäna. Jan wali reyinakajja, falso diosanakaruw israelitanakar adorayapjjäna, Dios contraw saytʼayapjjarakïna. Ukapachajj Jehová Diosan walja profetanakaparuw arknaqapjjäna, jiwayapjjarakïna. Norte toqenkir reinonjja, Jezabelan apnaqatap laykojj jukʼamp jan walinakaw utjäna. Israel markatakejj llakiskañ chʼamak tiemponakänwa. Ukampis Jehová Diosar servir israelitanakajj utjaskänwa, mayajj Jehosafat reyïnwa, yaqhasti Elías profetarakïnwa.