2 JALJÄWI
Uma Juiciot Egiptot mistupxañapkama
Uma Juiciotxa kimsaqallqunikiw qhispipxäna, ukat tiempompix waranq waranqa jaqinakaw utjxarakïna. Uma Juiciotxa 352 maraw pasxäna, ukhaw Abrahamax utjäna. Ukat Diosax Abrahamar siskän uka arsüwipxa kunjamsa phuqatayna Isaac wawar churasax uka tuqitwa yatiqarakiñäni. Ukatxa, Isaacan pä wawapatxa, Jacob sata wawaparuw Diosax ajllïna.
Jacob tatax jachʼa familianïnwa, 12 yuqani ukat phuchanakani ukhamänwa. Ukat yuqanakapatxa tunkanisti, José sat sullkaparuw uñisipxäna, ukat tʼaqhisiñapatakiw aljapxäna, Egipt markar apatänwa. Walja maratsti Joseyax Egipton jilïr apnaqirit uttʼayatäxänwa. Kunapachatï machʼa maranakax qalltxäna ukhaxa, Joseyax jilanakaparuw yantʼäna, jan sinttʼasirïsipkakpachati jan ukax suma jaqinakäxapxpachacha uka yatiñataki. Uka qhipatxa Jacobun taqpach familiapaw Egiptor jakasir sarxapxäna, jupanakax israelitanaka satapxarakïnwa. Abrahamax utjkäna uka marat israelitanakax Egiptor mantapkäna uka marakamax 290 maranakaw pasäna.
Ukat 215 maraw Egipton israelitanakax jakapxäna. Joseyan jiwatapatxa, irnaqirinakjam tʼaqhisiyatäxapxarakïnwa. Ukatxa Moisesaw utjxarakïna, ukat Moisesampiw Diosax israelitanakar Egiptot irpsuyanxäna. PAYA Jaljäwinxa 857 maranakatwa parlasi.
AKA SECCIONANJJA AKA YATICHÄWINAKAW UTJI
12 SARNAQÄWI
Mä jachʼa torre lurapxi
Kuntï Nemrod chachax lurkäna ukax janiw Diosar gustkänti, uka kawsaw jichhakamax kunayman jan walinakan uñjastanxa.
13 SARNAQÄWI
Abraham... Diosan munatapa
Abrahanax Ur markat sarxasax carpanakanakwa jakxäna, ¿kunatsa ukhaman jakañ ajllpachäna?
14 SARNAQÄWI
Diosax Abrahamaruw yantʼi
Diosax Abrahamarux Isaac wawapar sacrificiot luqtañapwa mayïna, ¿kunatsa uk maypachäna?
15 SARNAQÄWI
Lot tatan warmipaw qhip uñtäna
¿Lot chachan warmipan qhipar uñtatapax kunsa yatichistu?
16 SARNAQÄWI
Isaacatak mä suma warmi
¿Kunas Rebecarux suma warmïñatak yanaptʼäna? ¿Jupan suma uñnaqtʼanïtapa, jan ukax kunäñcha?
17 SARNAQÄWI
Ispa wawanakax janiw kikpäpkänti
Isaacax Esaú yuqaparuw jukʼamp munasïna, ukampis Rebecax Jacoburuw jukʼamp munasïna.
18 SARNAQÄWI
Haranaruw Jacobux sari
Jacobux Raquelaruw wal munasïna, ukampis nayraqatax Leampiw casarasïna.
19 SARNAQÄWI
Jacobun jachʼa familiapa
Israelan 12 tribunakapaxa, ¿Jacobun 12 yuqanakapan sutinakapti appacha?
20 SARNAQÄWI
Dinax jan waliruw purïna
Dinax Diosar jan serviri amiganak ajllitapatwa jan walin uñjasïna.
21 SARNAQÄWI
Jilanakapaw Joseyar uñisipxi
Josean jilanakapat yaqhipax ¿kunatsa Josear jiwayañ munapxpacha?
22 SARNAQÄWI
Joseyaruw katuntapxi
Joseax sum sarnaqañatakis chʼamachaskchïnxa, carcelan llawintataw uñjasïna.
23 SARNAQÄWI
Faraonan samkanakapa
Paqallqu vacanakampi ukat paqallqu trigo puyanakampix niya pachpa qhanañchäwinikiwa.
24 SARNAQÄWI
Joseyaw jilanakapar yantʼi
Josean jilanakapax cambiapxänti janicha uk ¿kunjamatsa Joseax yatispäna?
25 SARNAQÄWI
Utpachaw Egiptor sarxapxi
Jacobun familiaparux israelitanaka sasaw uñtʼasi, ¿kunatsa jacobitanakjam jan uñtʼatäpkpacha?
26 SARNAQÄWI
Diosat jan jithiqtir Job tata
Job chachax kunanakapatï utjkäna ukwa aptʼasïna, wali usuntataw uñjasïna, wawanakapas jiwarayataw uñjasipxarakïna. ¿Diosat juparux castigpachäna?
27 SARNAQÄWI
Qhuru Faraonaw Egipto apnaqi
Faraonax israelitanakan yuqall wawanakapar jiwarayapxañapwa mayïna, ¿kunatsa uk lurapxañap maypachäna?
28 SARNAQÄWI
Moisés wawaruw qhispiyasi
Taqi israelit yuqall wawanakar jiwayasiñapatakiw mä leyix apsusïna, ukampis Moisesan mamapax wali amuytʼasisaw jupar qhispiyäna.
29 SARNAQÄWI
Kunatsa Moisesax Egiptot sarxi
Moisesax 40 maranïxäna ukhaxa, israelitanakar qhispiyañatakix wakichtʼatäxaspasa ukhamwa amuyasïna, ukampis janiw ukhamäkänti.
30 SARNAQÄWI
Nakhaskir chʼaphi
Walja milagronak lurasaxa, israelitanakar Egiptot irpsxañapatakiw Diosax Moisesar mayïna.
31 SARNAQÄWI
Faraonar uñjiriw sarapxi
¿Kunatsa Faraonax Moisesar jan istʼasax israelitanakar jan antutkpachäna?
32 SARNAQÄWI
10 jan waltʼäwinaka
Jan istʼasiri Faraonan israelitanakar jan antutañ munatapatxa, Egiptox 10 jan waltʼäwinakan jan waltʼayataw uñjasïna.
33 SARNAQÄWI
Wila Lamar Qut makatasipki
Diosan chʼamapampixa, Moisesax Wila Lamar Qut jaljtayäna, waña uraqnamaw israelitanakax uk paskatapxarakïna.
