3 JALJÄWI
Egiptot mistupkäna ukata Israel markan nayrïr apnaqir utjañapkama
Moisesax Egiptot Sinaí qulluruw israelitanakar irpäna, ukanwa Diosax kamachinakap churäna. Ukatxa, Moisesax 12 chachanakaruw Canaán uraqir uñaqaniñapatak khitäna. Ukampis tunkanix jan wali yatiyäwinakampiw kuttʼanipxäna. Uk istʼasax Egiptor kuttʼañwa jaqinakax amtapxäna. Ukham jan iyawsäwinïtapatxa Jehová Diosax 40 maraw wasaran israelitanakar sarnaqayäna.
Uk pasxipanxa, Josué tataruw ajllïna israelitanakar Canaán uraqiru irpantañapataki. Uka marka katuntañapatakixa, Jehová Diosax milagronak luräna. Jordán jawir saytʼayäna, Jericó mark allthapïna, Intsa mayürpach saytʼayäna, ukhamanakwa luräna. Suxta mar pasatatwa Canaán uraqxa cananeonakat aparapxäna.
Josué tatampi qalltasaxa, 356 maranakaw taripirinakax jan ukax juesanakax Israel mark apnaqapxäna. Barac, Gedeón, Jefté, Sansón ukat Samuel uka taripirinakampita yaqhanakampita yatiqañäni. Ukat Rahab, Débora, Jael, Rut, Noemí, Dalila uka warminakatsa yatiqarakiñäniwa. Aka KIMSA Jaljäwinxa 396 maranak sarnaqäwitwa parlaskañäni.
AKA SECCIONANJJA AKA YATICHÄWINAKAW UTJI
35 SARNAQÄWI
Kamachinakap Diosax churi
Tunka kamachinakat sipansa ¿kawkïr pä kamachinakas jukʼamp jilankixa?
36 SARNAQÄWI
Qurit lurat vaca qallu
¿Kunatsa israelitanakax qurit lurat mä estatuar adorañ munapxpachäna?
37 SARNAQÄWI
Yupaychañ uta
Tabernaculon jiskʼa cuartopanxa, Diosampi arustʼäwir mantat arkaw utjäna.
38 SARNAQÄWI
12 uñaqirinaka
Tunkanix kʼarinakwa parlapxäna, paninisti janiw ukham parlapkarakïnti. ¿Israelitanakax khitinakarus istʼapxpachäna?
39 SARNAQÄWI
Aaronan thujrupaw panqari
Aaronan thujrupaw panqaräna, almendranak puqurayarakïna, ¿kunjamsa ukax mä arumanak paspachäna?
40 SARNAQÄWI
Moisesaw qullu qarqar jawqʼatati
Moisesax mä qarqat uma jalsuyänwa, ukampis pantjasisax Jehová Diosaruw colerayäna.
41 SARNAQÄWI
Broncet lurat mä jachʼa asiru
Israelitanakar achutatañapatakix ¿kunatsa Diosax venenoni asirunak apayanpachäna?
42 SARNAQÄWI
Mä asnow parli
Balaam chachan asnopax mä angelaruw uñjäna, ukampis Balaam chachax janiw uk uñjkänti.
44 SARNAQÄWI
Rahab warmiw uñaqanak imanti
¿Kunjamsa Rahab warmix uka pä chachanakar yanaptʼi, ukat kunsa jupanakar mayiraki?
46 SARNAQÄWI
Jericó markan jachʼa uyupa
Jericó markan jachʼa uyunakapat mä partex janiw allthaptkänti, uk pasañapatakix ¿wila wiskhat yanaptʼpachäna?
47 SARNAQÄWI
Israel markankir lunthata
¿Kunjamsa mä jaqin pantjasitapax mä markpachar jan waltʼayaspa?
48 SARNAQÄWI
Chʼikhi gabaonitanaka
Sumankañatak mä pacto lurañatakis gabaonitanakax engañjapkchïnxa, Josué chachasa israelitanakasa arsutap phuqapxänwa.
49 SARNAQÄWI
Intiw saytʼi
Diosax Josué chachar yanaptʼañatakix kuntï nayrax jan lurkäna ukwa luräna, uka qhipat janiw mayampsa uka pachpa lurawayxiti.
50 SARNAQÄWI
Jan axsartʼir pä warminaka
Barac chachaw israelitanakar nuwasiñan pʼiqtʼäna. Ukampis ¿kunatsa Jael warmikix jachʼañchatäxpachäna?
51 SARNAQÄWI
Rut warmimpi Noemí warmimpi
Noemí warmi jakʼankañatakisa Jehová Diosar serviñatakisa Rut warmix markapwa jaytäna.
52 SARNAQÄWI
Gedeonampi 300 jaqinakapampi
Jehová Diosax mä yantʼa tuqiw Gedeonan ejercitop jukʼanir tukuyäna.
53 SARNAQÄWI
Jefté tatan arsüwipa
Jefté chachan Jehová Diosar mä promesa luratapatxa, phuchapax Silonkiri yupaychañ utan irnaqiriw sarxañapäna.
54 SARNAQÄWI
Wali chʼaman jaqi
Sansonax kunatsa wali chʼamanïna uk ¿kunjamatsa Dalila warmix yatïna?
55 SARNAQÄWI
Mä wawaw Diosar yupaychi
Elí jilïr sacerdoter mä wakiskir yatiyäwi yatiyañapatakixa, Diosax jiskʼa Samueloruw ajllïna.
