4 JALJÄWI
Israel markan apnaqirix utjkäna ukata Babiloniar apatapkäna ukhakama
Israel markan nayrïr apnaqiripaxa Saúl tatänwa. Ukampis Jehová Diosax apnaqirïñatxa apaqxänwa, ukat Davitaruw ajllïna Saúl lanti apnaqirïñapataki. Davitan sarnaqäwinakapatwa yatxatañäni. Waynitükasinwa, Goliat sat jachʼa jaqimpi nuwasïna. Uka qhipatxa uñisir Saulatakiw imantasïna. Ukatxa suma uñnaqtʼan Abigailaw jan wali lurañat jarkʼtʼäna.
Ukatxa Davitan Salomón yuqapatwa yatiqarakiñäni, jupaw Davit lanti Israel apnaqxarakïna. Israel markar nayrïr kimsa apnaqirinakaxa sapaqatax 40 marakamaw apnaqapxäna. Salomonan jiwatapatxa Israel markax pä apnaqäwir jaljtayatänwa, mayax alay tuqinwa apnaqäna, maynisti aynach tuqinwa apnaqarakïna.
10 tribunakaxa alay tuqinxa 257 maraw apnaqatäpxäna, ukatxa asirionakaw tukjxarakïna. Uka maratxa 133 maranakaw saraqxäna ukhaw pä tribur apnaqäwixa tukjatäxarakïna. Ukapachaw israelitanakax Babiloniar apatäxapxänxa. Ukhamasti PUSI Jaljäwinxa 510 maranakatwa parlasi, ukäñkamasti wali muspharkañanakaw utjäna uk uñjañäni.
AKA SECCIONANJJA AKA YATICHÄWINAKAW UTJI
56 SARNAQÄWI
Israel mark nayrïr apnaqiri
Diosaw Saúl chacharux ajllïna, ukampis qhipat rechazxänwa. Saúl chachan sarnaqäwipaxa jan jachʼa jachʼa tukuñwa yatichistu.
57 SARNAQÄWI
Diosax Davitaruw ajlli
¿Kunsa Diosax Davitan chuymapan uñjpachäna? ¿Kunsa Samuel profetax jan uñjkarakpachäna?
58 SARNAQÄWI
Davitampi Goliatampi
Filisteo Goliat jachʼa jaqin ukaruxa, Davitax janiw qʼurawapampik nuwasir sarkänti, jan ukasti Diosan chʼamapampiw saräna.
59 SARNAQÄWI
Kunatsa Davitax sarxäna
Qalltanxa, Saúl reyix Davitat wal kusisïna, ukampis qhipat wal uñisxäna, jiwayañ kunwa munxäna. ¿kunatsa ukham tukxpachäna?
60 SARNAQÄWI
Abigailampi Davitampi
Abigaíl warmixa, chachajax jan amuytʼasiriwa sänwa, ukampis mä jukʼa tiempotakikïkchïnsa jakañ vidapwa qhispiyäna.
61 SARNAQÄWI
Davitaruw apnaqirit uttʼayasi
Luratapampisa kuntï jan lurañ munki ukampisa, Davitax reyit apnaqañ pueditapwa uñachtʼayi.
62 SARNAQÄWI
Davitan familiapan llakinaka
Davitax jachʼa jucharuw purtʼasi, ukhamar purtʼasitapatxa jupasa familiapasa walja maranakaw jan walinakan uñjasipxäna.
63 SARNAQÄWI
Salomón sat yatiñan apnaqiri
¿Chiqpachapunit Salomón reyix jiskʼa wawarux payar jaljtayaspäna?
64 SARNAQÄWI
Salomonax Diosan utap luri
Samolonax wali yatiñanïkchïnsa, mä jan wal lurañapatakiw wiytapxäna.
65 SARNAQÄWI
Israel apnaqäwiw jaljti
Jeroboán reyix apnaqañ qalltäna ukhaxa, Israel markarux Diosan leyip contra jan walinakwa lurayxäna.
67 SARNAQÄWI
Josafatax Jehová Diosaruw atinisi
Cantirinakax jan kuna armanakaniw ejerciton nayraqatap sarapxäna, ¿kunatsa jupanakax ukham lurapxpachäna?
69 SARNAQÄWI
Mä luluw jachʼa jaqir yanaptʼi
Israelita mä jiskʼa imillan jan axsaras parlatapatwa mä milagrox lurasïna.
70 SARNAQÄWI
Jonasampi jachʼa chawllampi
Kunatsa Jehová Diosan arsutaparjam lurañax wali wakiskiri ukwa Jonasax yatiqäna.
71 SARNAQÄWI
Diosax kusipach churapxäma siwa
Qalltan luratäkäna uka paraisox jiskʼakïnwa, ukampis Isaiasax uñjkäna uka paraisox uraqpach phuqantäna.
72 SARNAQÄWI
Diosax Ezequiasaruw yanaptʼi
Mä arumanakwa mä angelax 185.000 asirio soldadonakar jiwarayäna.
74 SARNAQÄWI
Jan axsarir jaqi
Jeremiasax profetäñatakix wali waynäkaspas ukhamwa amuyasïna, ukampis Diosax jupan wakichtʼatätapwa amuyäna.
75 SARNAQÄWI
Babiloniar apat pusi waynitunaka
Uka pusi waynitunakaxa familiapat wali jayankapxänwa, ukampis taqi kunaw jupanakatakix sumar saräna.
76 SARNAQÄWI
Jerusalén phichkatapxi
Israel markan enemigonakapampixa ¿kunatsa Israel marka tʼunthapipxañapatak dejpachäna?
