5 JALJÄWI
Babiloniar apatapkäna ukat Jerusalén uyuchrantapkän ukhakama
Israelitanakax Babilonian katuntatäpkäna uka maranakanxa, walja yantʼäwinakanwa uñjasipxäna. Sadracampi, Mesacampi ukat Abednegompixa pariptayat hornoru jaquntatäpxänwa, ukampis Diosaw hornot jakaskirpach irpsüna. Ukat Babiloniax medopersa jaqinakampi katuntatäxäna uka qhipatxa, Danielaruw leonanakan uyupar jaquntapxäna, ukampis Diosaw leonanakan lakap jistʼantasa jarkʼaqäna.
Ukatxa, Persiankir Ciro sat apnaqiriwa israelitanakarux markapar khitxäna. Chiqpachansa, 70 maratwa jupanakax Babiloniat markapar kuttʼxapxäna. Jerusalenar purisaxa, nayraqatxa, Jehová Diosan utap lurañwa qalltapxäna. Ukampis uñisir jaqinakawa uka luräw saytʼayapxäna. Ukhamasti, Babiloniat Jerusalenar kuttʼxapxäna uka maratxa 22 maraw saraqxäna, ukhaw Diosan utap lurañxa tukuyxapxäna.
Ukat Esdrasan Jerusalén markar saräwipatwa yatxatarakiñäni, jupasti Diosan utapa sumaptayiriw saräna. Diosan utap lurañ tukuyxapxäna uka maratxa 47 maraw saraqxäna ukhaw Esdrasax saräna. Ukat 13 maraw Esdrasan saratapat saraqxarakïna, ukhaw Nehemiasax Jerusalenar uyuchrantañ yanaptʼäna. Ukhamasti PHISQA Jaljäwinxa 152 maranakatwa parlasi.
AKA SECCIONANJJA AKA YATICHÄWINAKAW UTJI
77 SARNAQÄWI
Janipuniw altʼasipkänti
Sadrac, Mesac, Abednego waynanakaruxa, ¿hornor jaquntatäpkäna ukhax Diosax salvpachänti?
78 SARNAQÄWI
Pirqar qillqat arunaka
Daniel profetaxa, MENÉ, MENÉ, TEKEL, PARSÍN arunakax kamsañsa muni ukwa qhanañchi.
79 SARNAQÄWI
Danielampi leonanakampi
Danielux leonanakampi manqʼantataw jiwañapäna. Ukhaman jan uñjasiñatakix ¿kunsa luraspäna?
80 SARNAQÄWI
Israel markax Babiloniat sarxi
Babilonia marka katuntasaxa, Persia markankir Ciro reyix Bibliankir mä profecía phuqäna, qhipat yaqha profecía phuqarakïna.
81 SARNAQÄWI
Diosaruw atinisipxi
Diosar istʼañ laykuxa israelitanakax jaqinakan yaqhip leyinakap janiw istʼapkänti. Ukham lurapxatapat ¿Diosax jupanakar bendispachänti?
82 SARNAQÄWI
Mardoqueompi Esterampi
Vasti reinax wali suma uñnaqtʼan warmïnwa, ukampis Ester warmiruw Asuero reyix Vasti reina lantix reinat uttʼayxäna. ¿Kunatsa?
83 SARNAQÄWI
Jerusalenan uyupa
Uyu wasitat saytʼaykasaxa, trabajirinakax urusa arumasa espadas aptʼasitäpxañapänwa.
