8 JALJÄWI
Kuntï Bibliax siski ukax phuqasiwa
Bibliaxa janiw kunatï nayrax chiqapun utjkäna ukanakaki parlkiti, jan ukasti kunatï jutïrinakan utjkani ukanaksa yatiyarakiwa. Kunatï jutïrin utjkani ukxa janiw jaqix sisksnati. Ukatwa yattanxa Bibliaxa Diosan apayanitätapxa. ¿Jutïr urunakat kamspachas Bibliaxa?
Bibliaxa Diosan nuwasiñ jachʼa urupatwa parli. Uka nuwasïwinxa Diosaxa taqi jan walinakampi ukat jan wali jaqinakampwa aka Uraqitxa pichsuni, ukampisa yupaychirinakaparux imxataniwa. Diosan uttʼayata apnaqiri Jesucristowa, Diosan yupaychirinakaparuxa sumana kusisita jakasipxañapatakix yanaptʼani, janipuniw mayampsa usuntxapxaniti ni jiwxapxanisa.
Diosaxa aka Uraqxa mä suma kusipacharuw tukuyani, ¿ukax janit wal kusisiykistu? Ukampis kusipachan jakasiñ munasaxa, ¿kunampi lurañasasa? Diosan bendicionanakap katuqañatakixa kun lurañasasa ukxa qhip qhipa sarnaqäwinwa yatiqañäni. Ukhamaxa KIMSAQALLQ Jaljäwi liytʼma, ukhamatwa kamsisa Bibliaxa jutïrinakatakix uk yatxatäta.
AKA SECCIONANJJA AKA YATICHÄWINAKAW UTJI
114 SARNAQÄWI
Jan walinakan tukusiñapa
Armagedón guerran nuwasiñatakix ¿kunatsa Diosax ejercitopar pʼiqtʼañapatak Jesusar uttʼayi?
115 SARNAQÄWI
Uraqinkir machaq kusipacha
Qalltanxa nayrïr chacha warmix mä paraisonwa jakasipxäna, jutïrin ukham jakasiñaw utjarakini.
116 SARNAQÄWI
Kunjamatsa wiñay jakasipxsna
¿Jehová Diosampit Jesusampit mä jukʼa yatiñakit wakispacha? Jan ukax ¿kunamp lurañasas wakisi?