Bibliankir aka sarnaqäwinakaw yanaptʼistaspa:

• Mt 4:8-10. Supayajj jupar adorayasiñatakejja, Jesusarojj aka oraqenkir taqe markanakwa uñachtʼayäna; ukampis Jesusajj Jehová Dios saparuk adorañwa amtäna, ukatwa kuntï Supayajj siskäna ukar jan yäqkänti.

• Ap 19:9, 10. Apóstol Juanajj wali chʼamani mä angelaruw adorañ munäna, ukampis uka angelajj janiw adorayasiñ munkänti.

Bibliankir aka sarnaqäwinakaw yanaptʼistaspa:

• Is 1:10-17. Jehová Diosajja khitinakatï kʼari chuymamp jupar adorapki, ukat janirak leyinakaparus istʼapki ukanakarojj apanukuwa, jan wali jaqenakatwa uñjaraki.

• Mt 15:1-11. Jehová Diosarojj ‘janiw jaqenakan costumbrenakaparjam adorasiñapäkiti, jan ukasti Diosan leyinakaparjamaw adorasiñapa’ sasaw Jesusajj qhanañchäna.

Bibliankir aka sarnaqäwinakaw yanaptʼistaspa:

• Hch 2:40-42. Nayrïr patak maranakan jakir cristianonakajj orasiñatakisa, jilat kullakanakampïñatakisa, Bibliat yatjjatañatakis tantachasipjjerïnwa.

• 1Co 14:26-40. Congregacionan tantachäwinakajj ‘suma organiztʼata ukat chʼamañchtʼkirïñapawa’ sasaw apóstol Pablojj qhanañchäna. Ukhamatwa taqenejj sum yateqapjjaspa ukat kuntï yatichaski uks amuyapjjarakispa.

 Bibliankir aka sarnaqäwinakaw yanaptʼistaspa:

• Heb 11:6. Jehová Diosar ‘sum adorañ munstan ukhajja, juparuw taqe chuyma confiyañasa’ sasaw apóstol Pablojj qhanañchäna.

• Snt 2:14-17, 24-26. Jesusan Santiago jilapajja, ‘Diosar confiyatas luratanakasampiw uñachtʼayañasa’ sasaw qhanañchäna.