Diosar vidas katuyasiña
¿Kuna amtampis Jehová Diosar vidas katuyasiñasa?
Éx 20:5 uñjjattʼarakïta.
Jehová Diosar serviñ munstan ukhajja, ¿kunjamsa Bibliar uñjañasa?
¿Kuna toqes Diosajj juchat salvistu? ¿Kunatsa ukajj sapa maynitak wali wakiskiri?
Jan wali luräwinakasat arrepentisiñajj ¿kamsañsa muni?
-
Bibliankir aka sarnaqäwinakaw yanaptʼistaspa:
-
Lu 19:1-10. Zaqueo chachajj impuesto cobririnakan mä jilïripänwa, ukat khitinakarutï kʼarimp kʼarimpi lunthatkäna ukanakarojj qollq kuttʼayjjänwa, jan wali luratapatsa arrepentisirakïnwa.
-
1Ti 1:12-16. Apóstol Pablojja ‘jan wali lurañanak apanukutajat Jehová Diosasa Jesusas khuyapayasiñatwa perdonjjapjjetu’ sasaw qhanañchäna.
-
Jan wali lurañanak apanukjjstan ukhajja, ¿kunanakampsa luraskakiñasa?
Jehová Diosamp sum uñjatäñatakejja, ¿qʼom sarnaqañ toqen kawkïr leyinakaparus istʼañasa?
1Co 6:9-11; Col 3:5-9; 1Pe 1:14, 15; 4:3, 4
-
Bibliankir aka sarnaqäwinakaw yanaptʼistaspa:
-
1Co 5:1-13. Apóstol Pablojj Corintonkir cristianonakarojj akham sänwa: ‘sinti jan wali qʼañu juchan sarnaqeri chacharojj congregacionat jaqsupjjam’ sasa.
-
2Ti 2:16-19. Apóstol Pablojja ‘apostatanakan arunakapajj gangrenar uñtataw saratatani janipuniw uka arunakar istʼañamäkiti’ sasaw Timoteorojj säna.
-
Aka oraqenkir gobiernonakarojj ¿kunatsa jan apoyañasäki?
-
Bibliankir aka sarnaqäwinakaw yanaptʼistaspa:
-
Jn 6:10-15. Jesusajj mä milagro toqew walja jaqenakar manqʼayäna, ukham luratapat jaqenakajj reyit uttʼayañwa munapjjäna, ukampis Jesusajj uka cheqat sarjjänwa.
-
Jn 18:33-36. Jesusajja “Reinojajj janiw aka mundonkirïkiti” sasaw qhanañchäna.
-
¿Kunjamsa espíritu santojj Diosar serviñatak yanaptʼistu?
Hch 20:28; Ef 5:18 uñjjattʼarakïta.
-
Bibliankir aka sarnaqäwiw yanaptʼistaspa:
-
Hch 15:28, 29. Circuncisión toqet mä wakiskir amtar puriñatakejja, espíritu santow Jerusalenankir cuerpo gobernanterojj yanaptʼäna.
-
Jehová Diosatakjam sarnaqañatakejja, ¿kunjamsa Jesusat yateqasiñajj yanaptʼistaspa?
Maynitï Jehová Diosar vidap katuyasjjchi ukhajja, ¿kunatsa bautisasiñapa?
Mt 28:19, 20; Hch 2:40, 41; 8:12; 1Pe 3:21
-
Bibliankir aka sarnaqäwinakaw yanaptʼistaspa:
-
Mt 3:13-17. Awkipan munañap lurañatak jutatapjja, Jesusajj bautisasisaw uñachtʼayäna.
-
Hch 8:26-39. Diosar adoriri Etiopía markankir mä eunuco jaqejja, Jesusat suma yatiyäwinak istʼasajj bautisasiñwa amtäna.
-
Akanakajj inas gustarakiristam
NANAKJJATA
Maynimp visitayasiñataki
Biblia toqet parlañatakejj Jehová Diosan mä Testigopampiw visitayasisma jan ukajj gratisak Bibliat yatichayasiñatakejj aka formulario phoqantasma.
