Ewjjtʼa arunaka
Ewjjtʼa arunak katoqasiña
¿Kunatsa Biblian utjki uka ewjjtʼa arunak thaqañasapuni?
Janis kuna juchanïksna ukham amuyañat sipansa, ¿kunatsa ewjjtʼa arunak istʼañajj wali wakiskiri?
Pr 1:23-31; 15:31 uñjjattʼarakïta.
-
Bibliankir aka sarnaqäwinakaw yanaptʼistaspa:
-
1Sa 15:3, 9-23. Samuel profetajj Saúl reyir cheqañchkäna ukhajja, reyejj janis juchanïkaspa ukham amuyasisajj janiw ewjjtʼa arunakar istʼkänti, ukatwa Jehová Diosajj jupar apanukjjäna.
-
2Cr 25:14-16, 27. Amasías reyejj juch luratapat Jehová Diosan profetapamp cheqañchat uñjaskäna ukhajja, jupajj janiw istʼaskänti, ukatwa Diosajj suma jaqet jupar jan uñj-jjänti, janirakiw jan walinakatsa jarkʼaqjjänti.
-
Ewjjtʼapkistu uka congregación pʼeqtʼir jilatanakarojja, ¿kunatsa respetañasa?
1Te 5:12; 1Ti 5:17; Heb 13:7, 17
-
Bibliankir aka sarnaqäwiw yanaptʼistaspa:
-
3Jn 9, 10. Apóstol Juanajj wali jilïrëjjäna ukhajja, Diótrefes chacharojj congregación pʼeqtʼirinakar jan respetomp uñjatap laykuw cheqañchäna.
-
¿Kunatsa chuymankipstat jilat kullakanakar istʼapjjañasa?
Job 12:12; 32:7; Tit 2:3-5 uñjjattʼarakïta.
-
Bibliankir aka sarnaqäwinakaw yanaptʼistaspa:
-
1Sa 23:16-18. David reyejj Jonatán amigopan ewjjtʼa arunakaparojj istʼänwa, wali chʼamañchtʼataw jikjjatasirakïna. Jonatanajj Davidat 30 maranak jilïrïnwa.
-
1Re 12:1-17. Rehoboam reyejj experienciani jilïri chachanakan ewjjtʼa arunakapar istʼañat sipansa, waynanakan arunakaparukiw istʼäna, ukatwa jupajj jan walinakan uñjasïna.
-
Jehová Diosar serviri warminakana ukat wayn tawaqonakan ewjjtʼanakapajj ¿kunatsa wali valoranejja?
Job 32:6, 9, 10; Pr 31:1, 10, 26; Ec 4:13
Sl 119:100 uñjjattʼarakïta.
-
Bibliankir aka sarnaqäwinakaw yanaptʼistaspa:
-
1Sa 25:14-35. Abigaíl warmin ewjjtʼa arunakapajj jan walinakata ukat jaqenakar jiwayañatwa David reyir salväna, ukhamatwa waljanirojj jan jiwarayaskänti.
-
2Sa 20:15-22. Abel markankir yatiñani mä warmejja, ewjjtʼa arunakapampiw markpachar salväna.
-
2Re 5:1-14. Naamán chachajj lepra usupatwa qollasïna, kuna laykutejj israelita mä jiskʼa imillan ewjjtʼa arunakaparuw istʼäna.
-
Khitinakatï Jehová Diosarusa Aruparus jan respetapki ukanakan ewjjtʼa arunakapjja, ¿kunatsa janipun istʼañasäki?
Lu 6:39 uñjjattʼarakïta.
-
Bibliankir aka sarnaqäwinakaw yanaptʼistaspa:
-
1Cr 10:13, 14. Saúl reyejj Jehová Diosar jisktʼasiñat sipansa, jiwatanakamp parliri mä warmiruw jisktʼasïna, ukhamatwa Jehová Dios contra juch lurasajj jiwjjäna.
-
2Cr 22:2-5, 9. Ocozías reyejj amuytʼayirinakap janiw sum ajlliskänti, ukatwa jiwayat uñjasïna.
-
Job 21:7, 14-16. Job chachajja Jehová Diosar jan respetirinakan ewjjtʼa arunakaparojj janiw istʼkänti.
-
Maynir ewjjtʼaña
Maynir janïr ewjjtʼkasajja, ¿kunatsa taqe kuns sum yatjjatañasa?
Pr 25:8 uñjjattʼarakïta.
-
Bibliankir aka sarnaqäwinakaw yanaptʼistaspa:
-
1Sa 1:9-16. Elí jilïr jachʼa sacerdotejja Ana warmejj machantatäkaspas ukhamwa amuyäna, ukatwa Anarojj jan sinttʼasis cheqañchäna.
-
Mt 16:21-23. Apóstol Pedrojj jan sum amuytʼasisaw Jesusar cheqañchäna, ukham luratapajj janiw Jehová Diosan munañaparjamäkänti, jan ukasti Supayan munañaparjamänwa.
-
Maynir janïr ewjjtʼkasajja, ¿kunatsa nayraqat Jehová Diosar yanaptʼa mayiñasa?
-
Bibliankir aka sarnaqäwinakaw yanaptʼistaspa:
-
Éx 3:13-18. Israelitanakan jisktʼanakapar sum qhanañchañatakejja, Moisés profetajj Jehová Diosaruw yanaptʼa mayïna.
-
1Re 3:5-12. Salomón waynajj jupa pachpar confiyañat sipansa Jehová Diosaruw yatiñanïñ mayïna, ukham luratapat Diosajj bendisïnwa.
-
¿Kunatsa Bibliarjamapun ewjjtʼañasa?
Sl 119:24, 105; Pr 19:21; 2Ti 3:16, 17
Dt 17:18-20 uñjjattʼarakïta.
-
Bibliankir aka sarnaqäwinakaw yanaptʼistaspa:
-
Mt 4:1-11. Jesusajj Supayan yantʼanakaparojj janiw purtʼaskänti, antisas Diosan Arup aytasajj akham sänwa: ‘qellqatawaʼ sasa.
-
Jn 12:49, 50. Awkipajj kuntï yatichkäna ukarjamaw Jesusajj jaqenakar yatichirïna, ukham luratapajj jiwasatak wali yateqaskayawa.
-
Maynir ewjjtʼkasasa taqe chuyma felicittʼkasasa, ¿kunatsa llampʼu chuymanïñatak chʼamachasiñasa?
Is 9:6; 42:1-3; Mt 11:28, 29 uñjjattʼarakïta.
-
Bibliankir aka sarnaqäwinakaw yanaptʼistaspa:
-
2Cr 19:2, 3. Jehová Diosajj mä profeta toqew Jehosafat reyirojj cheqañchäna, ukampis kuna sumanaktï reyejj lurkäna ukanakat felicittʼarakïnwa.
-
Ap 2:1-4, 8, 9, 12-14, 18-20. Jesusajj congregacionanakar janïr ewjjtʼkasajj felicittʼänwa.
-
‘Mä jilataw nayarojj engañjitu jan ukajj kʼarintituʼ sasin mä jilatajj sistaspa ukhajja, ¿kunatsa uka jilatarojj panimakiw uk askichapjjañama sasin ewjjtʼañasa?
Le 19:17 uñjjattʼarakïta.
Maynejj jan wali uñjatäkaspas ukham amuyasispa ukhajja, ¿kunjamsa juparojj khuyaptʼayasirïñapataki, paciencianïñapataki ukat perdonasirïñapatak yanaptʼsna?
Mt 18:21, 22; Mr 11:25; Lu 6:36; Ef 4:32; Col 3:13
Mt 6:14; 1Co 6:1-8; 1Pe 3:8, 9 uñjjattʼarakïta.
-
Bibliankir aka sarnaqäwiw yanaptʼistaspa:
-
Mt 18:23-35. Perdonasïriñajj kunja wakiskirisa uk qhanañchañatakejja, Jesusajj musparkañ mä uñachtʼäwitwa parläna.
-
Maynir ewjjtʼkasajj ¿kunatsa Jehová Diosan mandamientonakap toqet saytʼasiñasa?
Sl 141:5; Pr 17:10; 2Co 7:8-11
-
Bibliankir aka sarnaqäwinakaw yanaptʼistaspa:
-
1Sa 15:23-29. Samuel profetajj jan ajjsartʼasaw Saúl reyir ewjjtʼäna.
-
1Re 22:19-28. Acab reyi contrajj kuna yatiyäwti arsuñapäkäna ukjja, Micaya profetajj amenazatpachas janiw mayjtʼaykänti.
-
¿Kunjamsa maynirojj Diosar adorañ toqet jan chuym ustʼayas ewjjtʼsna?
-
Bibliankir aka sarnaqäwinakaw yanaptʼistaspa:
-
Lu 22:31-34. Jesusajja apóstol Pedrorojj confiyänwa, ukatwa pantjasirïkasas jupajj mayninakarojj chʼamañchtʼaniwa sasin säna.
-
Flm 21. ‘Diosan munañaparjamäki uka ewjjtʼanakajarojj Filemón chachajj istʼaniwa’ sasaw apóstol Pablojj confiyäna.
-
Khitinakatï problemanakanïpki jan ukajj desanimat uñjasipki ukanakarojja, ¿kunjamsa munasiñamp ewjjtʼsna?
Khititï juch lurki ukarojja, ¿kunjamatsa Jehová Diosamp sum apasjjañapatak yanaptʼañ munatas uñachtʼaysna?
Khitinakarutï ewjjtʼkañäni taqe ukanakarojja, ¿kunjamsa respetomp uñjatas uñachtʼaysna?
Kunapachatï maynejj Bibliarjam ewjjtʼatas jan istʼaski ukhajja, ¿kunatsa ancianonakajj jan ajjsaras jupar cheqañchapjjañapa?
Akanakajj inas gustarakiristam
JUPANAKJAM IYAWSÄWINÏPJJAÑÄNI
Abigail, Suma amuytʼasir warmi
Abigailan chachapajj jan walinakwa luräna, ukhampachasa jupamp sum apasiñatakiw Abigailajj chʼamachasïna, ¿kunsa jupat yateqassna?
BIBLIAN YATICHÄWINAKAPA YATEQAÑÄNI
Soldadonak pʼeqtʼirimpi israelit jiskʼa imillampi
Israelita mä jiskʼa imillaw Jehová Diosan chʼamapat uywiripar parläna. Ukhamatwa mä milagrojj utjäna.
JUPANAKJAM IYAWSÄWINÏPJJAÑÄNI
Pedrojj janipuniw jaytanukusirïkänti
Iyawsäwinïñasa ukat jan jaytanukusirïñasa, ¿kunjamsa cheqañchäwi katoqasiñatakejj Pedror yanaptʼpachäna?
NANAKJJATA
Maynimp visitayasiñataki
Biblia toqet parlañatakejj Jehová Diosan mä Testigopampiw visitayasisma jan ukajj gratisak Bibliat yatichayasiñatakejj aka formulario phoqantasma.
