Kunanakas utji uk yatiñataki

Skip to table of contents

Cuentamar mantañataki (opens new window)
JW.ORG: Thaqañataki

Matrimonio

Matrimonio

¿Khitis matrimonio uttʼayawayi?

Gé 1:27, 28; 2:22-24; Mt 19:4-6

¿Khitimpikis Diosan mä serviripajj casarasiñapa?

Cristiano mä awk taykajja, bautisat yoqaparusa jan ukajj bautisat phuchaparus janipuniw Jehová Diosar jan servirimpejj casarapjjañapäkiti, ¿kunatsa jupanakajj uk janipun lurapjjañapäki?

1Co 7:39; 2Co 6:14, 15

  • Bibliankir aka sarnaqäwinakaw yanaptʼistaspa:

    • Gé 24:1-4, 7. Abrahán chachajj wali chuymankipstatäjjäna ukhajja, Isaac yoqapatakejj Jehová Diosar serviri mä warmi thaqarapïna. Jupajj janiw cananea mä warmimp casarasiñap munkänti, kuna laykutejj cananeo jaqenakajj falso diosanakaruw adorapjjäna.

    • Gé 28:1-4. Isaac chachajja ‘Canaán oraqenkir warminakat janiw mä warmi thaqätati’ sasaw Jacob yoqapar säna, ukham sasajja Jehová Diosan mä serviripampikiw casarasïta sañwa munaskäna.

Maynejj Diosar jan adorki uka jaqemp casaraski ukhajja, ¿kunjamas Jehová Diosajj jikjjatasi?

Dt 7:3, 4

  • Bibliankir aka sarnaqäwinakaw yanaptʼistaspa:

    • 1Re 11:1-6, 9-11. Salomón reyejj Diosar jan istʼasaw extranjera warminakamp casarasïna, ukhamatwa uka warminakajj yaqha diosanakar arkañapatak chuymap mayjtʼayapjjäna. Jehová Diosasti uk luratapat wal Salomonatak colerasïna.

    • Ne 13:23-27. Nehemías gobernadorajj Jehová Diosjamarakiw jan istʼasir israelitanakatakejj wal colerasïna, kuna laykutejj Israel markankir chachanakajj Jehová Diosar jan adoriri warminakampiw casarasipjjäna. Ukham lurapjjatapat Nehemiasajj jan ajjsarasaw uka chachanakar cheqañchäna.

¿Kunatsa maynejj Jehová Diosar taqe chuyma serviri cristianompikejj casarasiñapa?

Pr 18:22; 31:10, 28

Ef 5:28-31, 33 uñjjattʼarakïta.

  • Bibliankir aka sarnaqäwinakaw yanaptʼistaspa:

    • 1Sa 25:2, 3, 14-17. Abigaíl warmin Nabal esposopajj wali utjirinïkchïnsa, jupajj jan sinttʼasiri wali qhoru jan ukajj wali phirütap laykojj janiw suma esposökänti.

    • Pr 21:9. Jiwasatï casarasiñatak mä chacha jan ukajj mä warmi jan sum ajllisksna ukhajja, janiw kusisit jakasksnati, sumankañs apaqarakistaspawa.

    • Ro 7:2. Apóstol Pablon arunakaparjamajja, mä warmejj casaraski ukhajj chachapar chinkatatäkaspas ukhamawa, ukatwa mä cristiana warmejj janïr casaraskasin sum amuytʼasiñapa.

Maynejj janïr casaraski ukha

Mä chachatï casarasiñ piensaskchi ukhajja, ¿kunatsa mä familiar cuidañ puediniti janicha uk sum amuytʼasiñapa?

1Ti 5:8

  • Bibliankir aka sarnaqäwiw yanaptʼistaspa:

    • Pr 24:27. Janïr casaraskasasa janïr wawanakanïkasasa, mä chachajj wali trabajtʼirïñapawa familia manteniñs puedirakiñapawa.

Uñtʼasisipki uka wayn tawaqonakajja, ¿kunatsa mayninakan ewjjtʼa arunakap thaqapjjañapa? Uñnaqtʼanakapat wal lupʼiñat sipansa, ¿kunatsa jupanakajj kunjam chuymanïpjjesa uka toqet jukʼamp lupʼipjjañapa?

Pr 13:10; 1Pe 3:3-6

  • Bibliankir aka sarnaqäwinakaw yanaptʼistaspa:

    • Rut 2:4-7, 10-12. Rut warmejj wali trabajtʼirïnwa, Diosarojj wal munasïna, familiaparojj sumwa uñjarakïna, mayninakas jupat wali sum parlapjjarakïna. Ukatwa Boaz chachajj jupamp casarasiñ amtäna.

    • Rut 2:8, 9, 20. Boaz chachajj wali munasiri wajjtʼasir chachänwa, Jehová Diosarus wal munasirakïna. Ukatwa Rut warmejj jupamp casarasiñ amtäna.

Uñtʼasisipki uka wayn tawaqonakajja, ¿kunatsa Dios nayraqatan qʼañut uñjatäki ukanak jan lurapjjañapäki?

Gál 5:19; Col 3:5; 1Te 4:4

  • Bibliankir aka sarnaqäwinakaw yanaptʼistaspa:

    • Pr 5:18, 19. Casado chacha warminakakiw qhawqsa munasipjje uk luratanakapamp uñachtʼayasipjjañapa.

    • Can 1:2; 2:6. Niya casarasiñampïpkäna ukhajja, sulamita tawaqompi awatiripampejj purapatwa munasiñ uñachtʼayasipjjäna, ukampis janiw jan wali amtampejj uk lurapkänti.

    • Can 4:12; 8:8-10. Sulamita tawaqojj qʼom sarnaqañatakiw chʼamachasïna, janiw jan wali amuyunakampejj apayaskänti. Ukatwa jupajj llawintat mä jardinjamäna.

¿Kunatsa casarasir chacha warminakajj matrimoniop sum registrapjjañapa?

Mt 22:21; Ro 13:1; Tit 3:1

Esposon luräwinakapa

¿Jehová Diosajj kuna luräwinaksa esposonakar churi?

Ef 5:23, 25, 28-31, 33

¿Cristiano esposonakajj khititsa yateqasipjjañapa?

1Co 11:3; Ef 5:23

Esposapar munasitapsa esposapajj kunjamas jikjjatasi uk amuyatapsa, ¿kunatsa esposonakajj luratanakapamp uñachtʼayapjjañapa?

Col 3:19; 1Pe 3:7

  • Bibliankir aka sarnaqäwinakaw yanaptʼistaspa:

    • Gé 21:8-12. Kuntï Sara warmejj Abrahanar siskäna ukajj jan walïkchïnsa, Jehová Diosajj esposamar istʼam sasaw Abrahanar säna.

    • Pr 31:10, 11, 16, 28. Yatiñani mä esposojja janiw esposaparojj munañaparjam apnaqkiti, janirakiw esposapan pantjasitanakaps thaqkiti. Antisas taqe chuymaw esposapar confiyi, luratanakapats jachʼañcharakiwa.

    • Ef 5:33. Apóstol Pablojja ‘sapa mayniw warmipar munasiñapa’ sasaw säna.

Esposan luräwinakapa

¿Jehová Diosajj kuna luräwinaksa esposanakar churi?

Gé 2:18; Col 3:18; Tit 2:4, 5

Bibliarjamajja esposanakajj esposopan yanapiripatak luratäpkchisa, ¿kunatsa taqeniw Diosatakejj mä pachpa valoranikïtanjja sasin sistanjja?

Gé 1:26-28, 31; 2:18

  • Bibliankir aka sarnaqäwinakaw yanaptʼistaspa:

    • Pr 1:8; 1Co 7:4. Familia taypinkir esposanakarusa, wawani taykanakarusa Diosajj autoridad churawayarakiwa.

    • 1Co 11:3. Apóstol Pablon arunakaparjamajj taqeniw mä pʼeqtʼirinïtanjja, Taqe Kunjjar Munañani Diosakiw jan pʼeqtʼirinïkiti.

    • Heb 13:7, 17. Congregación pʼeqtʼañatak uttʼayatäpki uka jilatanakarojja, taqeniw istʼañasa yanaptʼañasaraki.

Diosar jan servir chachanakamp casaratäpki uka cristiana warminakajja, ¿kunjamsa Jehová Diosar kusisiyapjjaspa?

1Co 7:13-16; 1Pe 3:1, 2

¿Kunatsa cristiana esposanakajj esposonakapar respetapjjañapa?

Ef 5:33

  • Bibliankir aka sarnaqäwiw yanaptʼistaspa:

Bibliarjamajja ¿kunjam esposanakas jachʼañchatäpjje?

Pr 19:14; 31:10, 13-31

  • Bibliankir aka sarnaqäwinakaw yanaptʼistaspa:

    • Gé 24:62-67. Isaac chachan mamitapajj jiwjjäna ukhajja, Rebeca esposapaw Isaacar wal chuymachtʼäna.

    • 1Sa 25:14-24, 32-38. Abigaíl warmejja jan amuytʼasir chachapat khuyaptʼayasiñapatakiw David reyir ruwtʼasïna, ukham luratapatjja Abigaíl warmejj taqpach utapankirinakaruw jiwañat salväna.

    • Est 4:6-17; 5:1-8; 7:1-6; 8:3-6. Diosan markapar salvañ laykojja, Ester reinajj jan ajjsartʼasaw Asuero reyin ukar pay kut saräna. Ukham luratapat jiwayataw uñjasispäna, kuna laykutejj reyin jawsatakiw maynejj jupa nayraqatan uñstañapäna.

Jan waltʼäwinakajj kunjamas askichasiñapa

Matrimonion jan waltʼäwinakajj utjki ukhajja, ¿Biblian kawkïr wiñay yatichäwinakapas (principios bíblicos) casadonakar yanaptʼaspa?

1Co 13:4-8; Ef 5:33; Col 3:12-14

Qollqe toqen mä suma amtar puriñatakejja, ¿Biblian kawkïr wiñay yatichäwinakapas casadonakar yanaptʼaspa?

Lu 12:15; Flp 4:5; 1Ti 6:9, 10; Heb 13:5

“Qollqe” sat yatichäwi uñjjattʼarakïta.

Familia toqen jan waltʼayasiñanakajj utjki ukhajja, ¿Biblian kawkïr wiñay yatichäwinakapas casadonakar yanaptʼaspa?

Sl 34:14; Mt 19:5, 6; 1Co 13:4, 5

Chacha warmjam ikthapiñ toqet suma amtanakar puriñatakejja, ¿Biblian kawkïr wiñay yatichäwinakapas casadonakar yanaptʼaspa?

Pr 5:15-20; Mt 5:27, 28; 1Co 7:3-5; 10:24; Flp 2:4; Heb 13:4

Espososa jan ukajj esposasa kunja suma chuymanisa uka toqet lupʼiñajj ¿kunatsa wali importantejja? Kuna jan walinaktï maynejj lurki uka toqet sinti lupʼiñajj ¿kunatsa jan walïki?

Sl 103:14; 130:3, 4; Pr 17:9; 1Pe 4:8

Coleramp apayasiñat sipansa jan ukajj chuyma ustʼat sarnaqañat sipansa, ¿kunatsa jan walinakajj munasiñampi jankʼak askichasiñapa?

Sl 37:8; Pr 14:29; Ef 4:26, 27; Snt 1:19, 20

Cristianonakan coleramp atipayasipjjañapasa, toqesipjjañapasa, usuchjir arunakamp parlasipjjañapasa, nuwasipjjañapas ¿kunatsa janipun walïki?

Sl 11:5; Gál 5:19-21; Ef 4:31, 32; Tit 3:2

Mä amtar jan puriñjamäkani ukhajja, ¿kunsa espososa jan ukajj esposas lurañapa?

Sl 34:14; Mt 5:9; Ro 12:17, 18, 21

Mä casado chacha warmejj Jehová Diosar serviñ nayrar uchapki ukhajja, ¿kuna bendicionanaksa katoqapjje?

Ec 4:9-12

Matrimonionakatak Biblian ewjjtʼanakapa

¿Bibliajj chacha warmjam ikthapiñ toqetsa matrimonio toqetsa kamsisa?

Pr 6:32; Mt 5:27, 28; 1Co 6:9, 10; Heb 13:4

¿Kunatsa cristianonakajj maynimpik casarasipjjañapa?

Mt 19:8, 9; 1Co 7:2; 1Ti 3:2, 12

Mä matrimonion chachampi warmimpikiw utjañapa sasajj ¿kunatsa sissna?

Gé 2:18, 22, 24; Mt 19:4-6; Ro 1:23-27

¿Kunatsa esposompi esposampejj jan jaljtapjjañapäki?

Mr 10:6-9; Ro 7:2, 3; 1Co 7:10, 11

¿Bibliarjamajj kunapachakis maynejj divorciasispa?

Mt 5:32; 19:9

Maynejj Bibliarjam jan divorciaski ukhajja, ¿kunjamas Jehová Diosajj jikjjatasi?

Mal 2:13-16

Maynitï casadökasin viuda jan ukajj viudo quedaschi ukhajja, ¿mayamp casarasiñ puedispati?

Ro 7:2, 3; 1Co 7:39

 

Akanakajj inas gustarakiristam

¡SARTAPJJAÑÄNI!

Familian sum jakasiña: Purapat yanaptʼasiña

¿Chacha warmjamat jakasipjjta, jan ukajj pachpa utan jakiri pä jaqjamakïpjjtcha?

YATIYAÑATAKI

Mä suma esposöñamatakejj ¿kunas yanaptʼiristam?

Familiam kusisitäñapatakejj janiw qollqe mayaki munaskiti.

NANAKJJATA

Maynimp visitayasiñataki

Biblia toqet parlañatakejj Jehová Diosan mä Testigopampiw visitayasisma jan ukajj gratisak Bibliat yatichayasiñatakejj aka formulario phoqantasma.

CRISTIANJAM JAKAÑATAK YANAPTʼIR TEXTONAKA

Matrimonio

Aymara
Matrimonio
https://assetsnffrgf-a.akamaihd.net/assets/ct/1add6d1d93/images/syn_placeholder_sqr.png
scl págs. 89-93
APAQAÑATAKI
Matrimonio
Aka archivonakanwa qellqatanak apaqasma Cristianjam jakañatak yanaptʼir textonaka