Wali aytata mintata munat masinïsaxa, jupjamäñwa muntanxa. Jehová Diosax “askiwa, chiqaparakiwa” siw Bibliaxa (Salmo 25:8). Diosan munasitapäñatakixa, suma jaqïñasaw chiqapäñasarakiwa. Bibliax siwa: “Jumanakax Diosan munat wawanakapäpxtawa, jupax kunjämäkitix ukhamäpxarakimaya. Munasiñan jakapxam” sasa (Efesios 5:1, 2). Jehová Diosat yatiqasiñataki mä qhawqha uñachäwinak uñjañäni:

Mayninakar yanaptʼasa. “Aski lurañax utjchi ukkhaxa, taqiniruw aski lurañäni” (Gálatas 6:10).

Suma irnaqtʼirïsa. “Khititix lunthatasirïkän ukaxa jan jukʼamp lunthataskxpanti, jan ukasti irnaqañaru uskuspan sum irnaqasi[na]” (Efesios 4:28).

Sarnaqäwinsa janchinsa qʼumäsa. “Taqi kunatix qʼañuchkistaspa ukatxa jithiqtañasaxa, ukatsti qʼuma sarnaqañasawa janchisansa, ukhamaraki ajayusansa. Diosar axsarasarakiw juparux taqi katuyasxañasaxa.” (2 Corintios 7:1.)

 Utasankirinakaru munasiñampi respetompi uñjasa. “Sapa mayni jumanakax warminakamaru munasipxañamawa juma pachpas munaskasma ukhama, warmisti chacharux istʼañaparakiwa. Wawanaka, awkimaru taykamaru istʼapxam” (Efesios 5:33–6:1).

Jaqi masisar munasisa. “Munasiñasaw maynit maynikama, munasiñasti Diosatwa juti.” (1 Juan 4:7.)

Markan kamachinakaparu jaysasa. “Taqiniw autoridadanakarux jaysapxañama, [...]. Impuesto [qullqi] manüpktas ukxa phuqhapxam.” (Romanos 13:1, 7.)