Munat masinïskakiñatakixa, jupampix parlañasapuniwa. Juparux istʼtanwa, jupasa istʼarakistuwa. Yaqha jaqinakampi parlasaxa jupat aytasipuntanwa. Diosan munasita­päskakiña­takixa ukhamarakiwa. Ukatakix kunsa lurañasa, Bibliax kamsisa uk yatxatañäni.

Jehová Diosatxa mayisiñapuniwa. “Janirak Diosat oracionan mayisiñxa armasipxamti.” (Romanos 12:12.)

Diosan Arupa liyisa. “Taqi Qillqatasti Diosan amuytʼayatawa, askirakiw yatichañataki, chiqachañataki, ukhamarak qʼuma jakañan sarnaqañ yatichañatakisa” (2 Timoteo 3:16).

Yaqhanakaru Diosat yatichasa. “Taqi akapachankir jaqinakar yatiyir sarapxam, nayar arkir tukuyapxam; [...] yatichapxarakim taqi kuntix nayax jumanakar yatichapksma ukanaka phuqhaña.” (Mateo 28:19, 20.)

 Diosan munasitanakaparu jakʼachasisa. “Suma yatiñan jaqinakamp chika sarnaqirixa, suma yatiñanirakïniwa” (Proverbios 13:20).

Tantachasiñ Utaru sarasa. “Thaqañasaw maynit maynikama kunjäman yanaptʼasiñasataki munasiñanïñasataki, ukhamarak suma luräwinak uñachtʼayasa. [...] maynit mayniruw wayttʼasiñasa” (Hebreos 10:24, 25).

Reinon luräwinakaparu yanaptʼasa. “Sapa mayniw, kunjämtï chuymapanxa amtki ukhamarjam churañapa; janiw pä chuyma churañapäkiti, janirakiw maynin jariyatakis churañapäkarakiti, Diosasti kusisit chuymampi chuririruw munaraki.” (2 Corintios 9:7.)