JUKʼAMP YATJJATAÑATAKI RECUADRO 21A
‘Jehová Diosar churañatak oraqe jiltʼayapjjañama’
Ezequielajj Jehová Diosatak yaqhachatäki uka oraqetwa qhanañchäna, jichhajj uka toqet amuytʼaskakiñäni. Uka oraqejj phesqa cheqanakaniwa, ¿ukanakajj kawkïrinakänsa, kunatakirakïnsa?
A. ‘Diosar churañatak oraqe’
Jehová Diosan gobiernopatak yaqhachat mä oraqewa, marka pʼeqtʼirinakan apnaqapjjañapatakirakiwa
B. ‘Diosatak jiltʼayat oraqe’
Uka oraqejj sacerdotenakataki, levitanakataki, markataki yaqhachatawa. Janiw ukakïkiti, 12 tribunkirinakat taqeniw Diosar adorañatakisa, pʼeqtʼirinakar yanaptʼañatakis ukar mantapjje
C. ‘Pʼeqtʼirin oraqepa’
‘Israel markansti uka oraqew pʼeqtʼirinkani’
D. ‘Diosar churatäki uka oraqe’
Alayankki uka oraqejj ‘levitanakatakïnwa’, ‘sagradorakïnwa’. Chika taypinkkäna uka oraqesti, ‘sacerdotenakatak sagrado contribucionänwa’. ‘Uka cheqajj utanakapatak mä lugaränwa, templotak mä sagrado lugararakïnwa’
E. ‘Jiltʼa oraqe’
‘Uka oraqejj taqpach israelitanakankaniwa’, ukatsti ‘markankir taqpach jaqenakapankaniwa, utanakatakïniwa, pastonakani oraqetakïniwa’
