JUKʼAMP YATJJATAÑATAKI RECUADRO 7B
Ezequiel libron uñstir arunaka
‘Jaqen yoqapa’
UKA ARUNAKAJJ 90 JILAW UÑSTI
Ezequielarojj 90 jila kutiw ‘jaqen yoqapa’ sasi. Jehová Diosajj walja lurañanaksa churkchïnjja, ‘jaqen yoqapa’ sasajj aleq jaqekïtapwa Ezequielar amtayäna (Ezeq. 2:1). Mateo, Marcos, Lucas, Juan libronakanjja, mä 80 kutiw Jesusarojj ‘jaqen yoqapa’ sasiraki. Ukhamatwa Jesusajj jaqen wawapjam nasitap uñachtʼayäna, janiw jaqer tukuta mä angeläkänti (Mat. 8:20).
‘Jehová Diosätaj yatipjjäta’
UKA ARUNAKAJJ 50 JILAW UÑSTI
Jehová Diosajj walja grupo jaqenakar ‘Jehová Diosätajj yatipjjäta’ sasin siskäna uka arunakjja, Ezequielajj 50 jila kutiw qellqäna. Ukham sasajj Jehová Dios sapaki adoratäñatak derechonïtapwa uñachtʼayäna (Ezeq. 6:7).
‘Taqe Kunjjar Munañani Jehová Dios Tatitu’
UKA ARUNAKAJJ 217 KUTIW UÑSTI
‘Taqe Kunjjar Munañani Jehová Dios Tatitu’ siski uka arunakajj 217 kutiw uñsti. Ukhamatwa Diosan sutipajj kunja importantesa uk uñachtʼayi, alajjpachansa aka oraqensa Jehová Dios sapak wali autoridadanïtap uñachtʼayaraki (Ezeq. 2:4).
