Tantachasirinakatak yatiyäwinaka
YAQHA TANTACHÄWINAKA
DIOSAN REINOPAT YATIYIRINAKATAKI ESCUELA. Precursorat servisipki, ukat uka escuelar sarasin Jehová Diosar jukʼamp serviñ munapki uka jilat kullakanakajja, domingo jaypʼuw mä tantachäwir sarapjjaspa, jupanakajj 23 maranit 65 maranïpjjañapawa. Uka tantachäwejj kawkjankanisa kuna horarünisa ukajj yatiyasiniwa.
BETEL UTAN YANAPTʼAÑ MUNIRINAKATAKI. Bautisat jilat kullakanakat kawkïrinakatï janïr 36 maranïpki, ukat aka markankirïpjje jan ukajj aka markankañatak documentonakanïpjje ukat Betel utan serviñ munapki ukanakajja, viernes jaypʼutak wakichat tantachäwiruw sarapjjaspa. Uka tantachäwejj kawkjankanisa kuna horarünisa ukajj yatiyasiniwa.
TANTACHASIRINAKATAK YATIYÄWINAKA
KATOQERINAKA. Katoqerinakajj tantachäwir jutirinakaru yanaptʼañatakiwa. Jupanakaw kawkjansa autonakajj saytʼayasiñapa, kawknämsa sarañasa uk sapjjestani, asientonaksa uñachayapjjestani ukat yaqhanaksa yatiyapjjarakistani, ukhamajj kuntï jupanakajj sapkani ukarjamapuniw lurañasa.
ASIENTONAKA. Familiamataki, jumamp chika sarapki jan ukajj jumamp Bibliat yateqapki ukanakatakikiw asientonak imasma. Janiw yaqha asientonakarojj yänakama jan ukajj cosasanakam uchañamäkiti.
BAUTISMO. Bautisasirinakatakejj plataforma uñkatasiruw asientonakajj wakichasini, jan ukhamäkanejj yatiyasiniwa. Sábado alwajja, bautisasirinakataki arstʼäwi janïr qalltkipanwa bautisasirinakajj uka asientonakar qontʼasjjapjjañapa. Sapa mayniw toallampi, umar mantañataki isimpi apasiñapa.
QOLLQEMPI YANAPTʼAÑATAKI. Akham tantachasiñatakejj walja gastonakaw utjawayi, asientonak utjañapataki, arstʼäwinak sum istʼañataki (sonido), videonak uñjañataki ukat yaqha yanaptʼanakampitaki. Ukhamatwa aka jachʼa tantachäwin wali kusisit jikjjatastanjja, Jehová Diosarus jukʼampirakiw jakʼachastanjja. Qollqempi yanaptʼatamajj uka gastonakataki ukat oraqpachan Diosat yatiyasiski ukaruw yanaptʼani. Qollqe iranttʼañamatakejja, cajanakajj taqe cheqanakan uchatawa. Oraqpachan Jilïr Irpirinakajja, qollqempi taqe chuyma yanaptʼapjjatamat walpun yuspäranipjjtam.
CHHAQAYASKTAN UKANAKA. Chhaqat yänaka jan ukajj cosasanak aptäta ukhajja, uka cheqaruw jaytaniñama. Ukat jumatï kuns chhaqayasïtajja, uka cheqaruw thaqer sararakisma. Chhaqapki uka wawanakjja ukarurakiw irpäta. Ukampis uka cheqajj janiw wawanakar uñjañatakïkiti. Mirä amp suma, wawanakamjja sum uñjasipjjäta, jumanakampïñapawa, janiw sapak sarnaqapjjañapäkiti.
PRIMEROS AUXILIOS. Ukan yanaptʼirinakajja, AKA TANTACHÄWIN JAN WALTʼAPKI UKANAKATAKIKIWA.
YANAPTʼAÑ MUNIRINAKA. Aka jachʼa tantachäwin yanaptʼañ munsta ukhajja, Departamento de Información y Servicio Voluntario siski uka cheqaruw saräta.
Jehová Diosan Testigonakapan Oraqpachan Jilïr Irpirinakapan wakichatawa
