ASIENTONAKA. Familiamataki, jumamp chika sarapki jan ukajj jumamp Bibliat yateqapki ukanakatakikiw asientonak imañama. Janiw yaqha asientonakarojj cosasanakam uchañamäkiti.

BAUTISMO. Bautisasirinakatakejj plataforma uñkatasiruw asientonakajj wakichasini, jan ukhamäkanejj yatiyasiniwa. Sábado alwajja, bautisasirinakataki discurso janïr qalltkipanwa bautisasirinakajj uka asientonakar qontʼasjjapjjañapa. Sapa mayniw toallampi, umar mantañataki isimpi apasiñapa.

CHHAQAYASKTAN UKANAKA. Chhaqat cosasanak aptäta ukhajja, uka cheqaruw jaytaniñama. Jumatï kuns chhaqayasïtajja, ukaruw thaqer sararakisma. Chhaqapki uka wawanakjja ukarurakiw irpäta. Wawanakam sum uñjapjjäta, janiw sapak sarnaqapjjañapäkiti, jumanakampïñapawa.

KATOQERINAKA. Katoqerinakajj tantachäwir jutirinakaru yanaptʼañatakiwa. Jupanakaw kawkjansa autonakajj saytʼayasiñapa, kawknämsa sarañasa uk sapjjestani, asientonaksa uñachtʼayapjjestani ukat yaqhanaksa yatiyapjjarakistani, ukhamajj kuntï jupanakajj sapkani ukarjamapuniw lurañasa.

PRIMEROS AUXILIOS. Ukajja, aka tantachäwin jan waltʼapki ukanakatakikiwa.

QOLLQEMPI YANAPTʼAÑATAKI. Aka jachʼa tantachäwin kusisitäñasatakisa, Jehová Diosar jukʼamp jakʼachasiñasatakisa walja gastonakaw utjawayi. Uka gastonakajj asientonak utjañapataki, discursonak sum istʼañataki (sonido), videonak uñjañataki ukhamarak yaqha ukhamanakatakiw yanaptʼawayi. Qollqempi yanaptʼatamajj uka gastonakataki ukat aka oraqpachan Diosat yatiyasiski ukaruw yanaptʼani. Qollqe iranttʼañamatakejj taqe cheqanakanwa cajanakajj uchatäski. Internet toqesa qollqemp yanaptʼarakismawa, ukatakejja donate.pr418.com ukaruw mantasma. Oraqpachan Jilïr Irpirinakajja, qollqempi taqe chuyma yanaptʼapjjatamat walpun yuspäranipjjtam.

YANAPTʼAÑ MUNIRINAKA. Aka jachʼa tantachäwin yanaptʼañ munsta ukhajja, Departamento de Información y Servicio Voluntario siski uka cheqaruw sarasma.

Diosan Reinopat Yatiyirinakataki Escuela Precursorat servisipki, uka escuelar sarasin Jehová Diosar jukʼamp serviñ munapkaraki uka jilat kullakanakajja, domingo jaypʼuw mä tantachäwir sarapjjaspa, jupanakajj 23 maranit 65 maranïpjjañapawa. Uka tantachäwejj kawkjankanisa kuna horarünisa ukajj yatiyasiniwa.