Janis chiqaw sañjamäkchisa, jach’a qamir mä markan utjasir jaqinakaxa: sapa patakatxa llätunk tunka juk’amp jaqinakaw wali kusisit jakasipxta sasaw sapxi; ukampis 10 qullanakat walpun umapkis ukanakatxa 3 qullwa jan sinti llakisiñatakix umapxi. Ukat uka pachpa markankir jaqinakaxa: sapa patakatxa llätunk tunka mayanixa, familiajan wali sum jakasipxta sasaw sapxi. Ukampis jaqichasitanakatxa niya chikataniw divorciasipxi.

Ukatxa tunka kimsaqallqun markanakaruw jiskt’asïna, ukaxa aka Uraqin niya chikat jaqinakamp sasiwa, ukat jupanakax akham sapxi: “Niya taqiniw jaqinakax janiw jutïritak mä suyt’äwinïpkiti” sasa. Chiqpachansa, walja jaqinakaw jan sum jakasipkiti. ¿Jumasti? Aka folletoxa juman chiqpach kusisiñ jikxatañamatak yanapt’añatakiw wakt’ayasi.