Kuntï istʼirinakajj yatjjapjje uk amuytʼam. Kuntï nayrajj istʼawayapki ukanak janiw mayamp arsuñamajj wakiskaspati, jan ukasti yaqha toqenakat amuytʼapjjañapatakiw istʼirinakar yanaptʼañama.

Yatjjatam ukat lupʼirakim. Mä wakiskir puntot qhanañchañ munkäta ukhajja, kunanakatï jichhak pasawayki jan ukajj kunanakatï jan yatitäki ukanakatwa parlasma. Ukanakajj kunjamsa arstʼäwimarojj yanaptʼi ukwa amuytʼañama, ukat parlkäta uka wakiskir puntotsa lupʼiñamarakiwa.

Kuntï yateqapki ukanakajj kunjamsa yanaptʼani uk uñachtʼayam. Biblian suma yatichäwinakapajj kunjamsa sapürunjam yanaptʼaspa, ukwa istʼirinakar qhanañchañama. Jan walinakar saykatañatakisa, suma jaqëñatakisa, kun lurañatakisa, kunjamsa Biblian suma yatichäwinakapajj yanaptʼaspa ukwa qhanañchañama.