Jehová Diosar mayisim, sum wakichtʼasirakim. Parlkäta uka toqet sum arstʼañatakejja, Diosaruw yanaptʼa mayisiñama. Kuna wakiskir yatichäwinaksa qhanstayañ munta uk sumwa amuyañamaraki. Janiw kunjamtï mä qellqatan uñstki uka pachpa arunak sañamäkiti, jan ukasti arunakamarjamaw parltʼañama.

Chuymatpach parltʼam. Kunatsa istʼirinakan uka toqet yatipjjañapajj wakisi ukwa lupʼiñama. Ukhamtï lurätajja, kunjamtï saytʼaskta ukansa, uñnaqamansa, amparanakamp parlatamansa taqe chuyma parlatamaw amuyasini.

Istʼirinakar uñtam. Parlkäta ukhajja, istʼirinakarojj uñttʼañamawa. Arstʼkäta ukhajja, taqenir mayak uñtañat sipansa, mayniru ukat mayniruraki ukhamwa uñttʼañama.