Arunak sum qhanstayam. Mä texto liytʼasajja, kuntï istʼirinakar yatichañ munkta uka arunakwa qhanstayañama. Ukatakejja, qhanstayañ munkta uka arunak kutin kutinwa arsusma, jan ukajj mä jisktʼampiw amuytʼayarakisma.

Kun amtapjjañapsa munta uk qhanstayam. Kunatsa mä texto liytʼäta uk säta ukhajja, liytʼkäta uka qhepat sumwa qhanañchtʼañama. Liytʼawaykta uka texton kawkïr arunaksa (palabras claves) qhanstayäta, ukajj kunjamsa yatichañ munkta ukarojj yanaptʼi ukwa qhanañchtʼañama.

Jukʼa arunakampik qhanañchtʼam. Arstʼkäta uka toqetakwa parlañama, janiw yaqha toqenakat parlañamäkiti. Arstʼkäta uka toqet qhawqsa istʼirinakajj yatipjje, ukwa amuytʼañama. Ukatjja ukarjamaw qhawqsa uka toqet parläta uk amtjjañama, ukhamatwa istʼirinakajj arstʼäwim sum amuyapjjani.