16 YATICHÄWI
Supay contra saytʼasiñäni
“Diablo contrajj saytʼasipjjarakim, jupajj jumanakat jaltjjaniwa” (SANTIAGO 4:7).
1, 2. ¿Kunsa Supayatsa demonionakatsa yatiñasa?
JEHOVÁ DIOSAJJ mä suma oraqen jakasipjjäta siskistu uk phoqasir uñjañajj wali sumäniwa. Kunjam jakasiñastï Diosajj qalltan munkäna ukhamaw jakasjjañäni. Ukampis jichhajj Supayampi demonionakampi apnaqat mundon jaktanjja (2 Corintios 4:4). Janis jupanakar uñjkstanjja, jupanakajj cheqapuniw utjaski, wali chʼamanïpjjarakiwa.
2 Aka yatichäwinjja, kunjamatsa Jehová Diosan jakʼapan jakasiskaksna, kunjamsa Supayat jarkʼaqassna ukanakwa yatjjataskañäni. Jehová Diosajj yanaptʼapjjämaw sistuwa, ukampis kunjamsa Supayampi demonionakampejj jaqenakar engañjapjje, jan walinaksa lurapjje uk yatiñasarakiwa.
“MÄ LEONAR UÑTATAW WARARTʼASIS MUYUSKI”
3. ¿Kun lurañsa Supayajj munistu?
3 Jehová Diosarojj interés laykukis sirvksna, jan walinakan uñjasisajj jitheqjjaksnasa ukhamwa Supayajj jiwasat parli (Job 2:4, 5 liytʼañataki). Mä jaqejj Jehová Diosar uñtʼañ muni ukhajja, Supayampi demonionakampejj jarkʼañatakiw wal chʼamachasipjje. Maynejj Jehová Diosar vidap katuyasjje bautisasjjaraki ukhajja, wal colerasipjjaraki. “Diablojja, mä leonar uñtataw warartʼasis muyuski, maynir manqʼantañwa thaqaskaraki” sasaw Biblian qhanañchi (1 Pedro 5:8). Supayajj Jehová Diosat apaqañ wal munistu (Salmo 7:1, 2; 2 Timoteo 3:12).
Jehová Diosar vidas katuyastan ukhajja, Supayajj wal colerasi.
4, 5. 1) ¿Kunsa Supayajj jiwasamp jan lurkaspa? 2) ¿Kunjamsa Supay contra saytʼassna?
4 Supayarusa demonionakarusa janiw ajjsarañasäkiti, jupanakajj janiw kuntï munapki uk lurapkistaspati, Diosaw jupanakar jarkʼi. Jehová Diosajja, ‘walja jaqenakaw’ ‘wali tʼaqesiñ tiempo’ jakaskir pasapjjani sasaw sistu (Apocalipsis 7:9, 14). Ukajj phoqasipuniniwa, Supayajj janiw kuns kamachkaspati, Jehová Diosaw markaparojj jarkʼaqani.
5 Jehová Diosan jakʼapankañäni ukhajja, Supayajj janiw jupat apaqkistaniti. Biblian akham siwa: “Tatitusti jumanakampïskiwa, jumanakatejj jupampïpjjäta ukajja” sasa (2 Crónicas 15:2; 1 Corintios 10:13 liytʼañataki). Nayra tiemponjja, Diosar taqe chuyma servirinakajj Supay contra saytʼasiñatakejj Diosan jakʼapankapjjapunirïnwa. Sañäni, Abel, Enoc, Noé, Sara, Moisés, jupanakajj janiw Diosat jitheqtapkänti (Hebreos 11:4-40). Jiwasajj jupanakatwa yateqasiraksna. Diosajj akham sistuwa: “Diablo contrajj saytʼasipjjarakim, jupajj jumanakat jaltjjaniwa” sasa (Santiago 4:7).
“MÄ NUWASÏWINKTANWA”
6. ¿Kunatakis Supayajj chʼamachasi, kunjamsa uk luri?
6 Amtañäni Supayajj janiw kuntï munki uk lurkistaspati, uk yatkasas Diosat jitheqtañasatakejj chʼamachasiskakiwa. Kunaymanitwa engañjañ munistu, waranq waranqa maranakaw pachpa trampanak apnaqjje. ¿Kuna jan walinakampis jaqenakar engañji?
7. ¿Kunatsa Supayajj Diosan servirinakap contra saytʼi?
7 Apóstol Juanajj sänwa: “Akapachajj Supayan amparapankiwa” sasa (1 Juan 5:19). Ukatjja Diosan servirinakaparus apnaqañwa Supayajj munaraki (Miqueas 4:1; Juan 15:19; Apocalipsis 12:12, 17). Jukʼa tiemponikïtap yatisajja, jiwasar Diosat apaqañatakejj wal chʼamachasi. Supayan trampanakapajja, awisajj qhana amuykañawa, awisasti jan amuykañarakiwa.
8. ¿Kunsa cristianonakajj amtañasa?
8 Biblian akham siwa: “Jiwasajj mä nuwasïwinktanwa [...], alajjpachankiri demonionakampiw Efesios 6:12). Amtapuniñäni, Diosar jakäwis katuyasktan ukanakajja, sapa mayniw Supayampi demonionakampi mä nuwasïwinktanjja. Ukatwa apóstol Pablojj Éfeso markankir cristianonakarojj “sum saytʼasipjjam” sasin kimsa kuti amtayäna (Efesios 6:11, 13, 14).
nuwastanjja” sasa (9. ¿Supayampi demonionakampejj kun lurañsa munistu?
9 Supayampi demonionakampejj kunaymanitwa engañjañ munistu. Jumatï Supayan mä yantʼapar atipjawaysta ukhajja, janiw mayni yantʼanakan facilak atipjäjja sasin amuyañamäkiti. Supayajja kunanakansa facilak pantjassna ukanakwa uñchʼukistu, ukatsti ukarjamaw mä trampa jiwasatak wakicharaki. Ukampis Biblianjja nayrkipanwa uka trampanakat yatiyjjestu, ukhamat ukanakampi jan engañjayasiñasataki (2 Corintios 2:11; 31 qhanañchäwi uñjjattʼäta). Supayan mä trampapajj demonismo satawa.
JANIPUN DEMONIONAKAR JAKʼACHASIÑÄNITI
10. 1) ¿Kunas demonismojja? 2) ¿Demonionakar jakʼachasiñat kamsis Jehová Diosajja?
10 ¿Kunas demonismojja? Demonionakar jakʼachasiñawa, jan ukajj demonionakan luräwipar mitisiñawa. Yatirinak taypi, layqanak taypi demonionakar jakʼachasiñasa, jiwatanakampi parlañasa, yaqha ukham jan walinakasa demonismo satarakiwa. Bibliarjamajja, taqe ukanakajj Jehová Diosatak ajjtaskañawa, Diosar adoraraksna demonionakar jakʼachasiraksna ukajj janipuniw walïkaspati (Deuteronomio 18:10-12; Apocalipsis 21:8). Cristianonakajj taqe kunatï demonismot uñtʼatäki ukanakjja apanukuñasawa (Romanos 12:9).
11. Kunatï ajjsarkañäki ukhamarak jan cheqapäki ukanakajj gustchistu ukhajja, ¿kunas pasistaspa?
11 Kunatï ajjsarkañäki ukhamarak jan cheqapäki ukanak gustistaspa ukhajja, Supayajj demonionakan luräwipar mitisiyasajj facilak engañjistaspa. Jehová Diosan amigopäñsa aptʼasiyistaspawa.
SUPAYAJJ PANTJASIYAÑ MUNISTU
12. ¿Supayajj jaqenakan kunjam amuyapjjañapsa muni?
12 Supayajj jaqenakar pantjasiyañ muni. Jukʼat jukʼatwa pächasiyi, ukhamat kunatï ‘jan walïki ukarojj “waliw” sapjjañapataki, ukhamarak kunatï walïki ukarojj “janiw walïkiti” sapjjañapataki’ (Isaías 5:20). Supayajj Bibliankir ewjjanakajj janis walïkaspa, Diosan mayitanakap jan istʼasajj jukʼamp kusisitäksnasa ukham amuyañaswa muni.
13. Kunjamsa Supayajj pächasiyäna uk qhanañchtʼma.
13 Supayan mä trampapajja, jaqenakar pächasiyañawa, ukampiw waljanir engañji. Qalltatpachwa uka trampampejj jaqenakar pantjasiyaski. Edén jardinanjja, Evar akham jisktʼasaw pächasiyäna: “¿Ukhamajj Diosajj sapjjtamti: ‘Janiw kawkïri qoqan achunakapsa manqʼapjjätati’ sasa?” (Génesis 3:1). Qhepatjja taqe angelanak nayraqatanwa Supayajj Job chachat Jehová Diosar akham sasin jisktʼäna: ‘¿Inakit Job chachajj Diosar ajjsarpacha?’ sasa (Job 1:9, NM). Jesusarojja bautisaskäna uka qhepat akham sasaw yantʼarakïna: “Jumatï Diosan wawapästa ukhajja, aka qalanak tʼantʼanakar tukuyam” sasa (Mateo 4:3).
14. Demonionakan luräwinakapajj walïskaspas ukham amuyapjjañapatakejja, ¿kunsa Supayajj luri?
14 Jichhürunakansa, Supayajj jaqenakar pächasiyaskakiwa. Demonionakan luräwinakapar mitisiñajj 2 Corintios 11:3). Ukhamajj ukanakat jarkʼaqasiñatakejj ¿kunsa lursna? ¿Kunjamatsa Supayampi jan engañjayasksna? Jichhajj aka pä toqet parltʼañäni: kusistʼañanakata, qollayasiñanakata. Ukanakampiw Supayajj engañjañ munistu.
walïskaspas ukham jaqenakan amuyapjjañapatakejja, sumäkaspas ukhamwa uñachtʼayi. Ukanakajj kunja jan walisa ukjja, yaqhep jilat kullakanakas janiw amuyapkiti (SUPAYAJJ MUNAÑANAKASAMPIW ENGAÑJISTASPA
15. ¿Kunanakas demonionakar jakʼachasiyistaspa?
15 Walja videonakansa, televisionansa, Internetansa, videojuegonakansa, demonionakan luräwinakapa, magianaka, ukham yaqha jan walinakaw utji. Ukanakajj walïskiwa sasaw yaqhepajj sapjje, ukampis jan amuyasisaw demonionakar jakʼachasisipki. Yaqhepajj horóscopo uñasa, yatirinakampi carta, coca, ampara uñayasisaw demonionakar jakʼachasipjje. Taqe ukanakajj kunja jan walisa uk imtʼasajja, Supayajj musparkañäkaspasa, sumäkaspasa ukhamwa amuyayi. Inas maynejj akham sischispa, ‘ukanak uñtañajj walïskiwa, janiw nayajj ukanak lurkäti’ sasa. ¿Kunatsa ukham amuyañajj jan walïki? (1 Corintios 10:12).
16. Demonionakat parlki uka peliculanaksa, musicanaksa, libronaksa, ¿kunatsa apanukuñasa?
16 Supayasa demonionakasa janiw kuntï piensktan uk yatipkaspati. Ukampisa jiwasasa familiasasa kunanak lurañtï ajllktan, kunanaktï uñtañatakisa istʼañatakisa ajllktan ukanak uñjasaw kunsa amuyasktan kunsa munasktan uk tantiyapjjaspa. Jiwasatï brujanakani, vampironakani, layqasiñanakani, demonionakan apnaqat jaqenakani, jan ukajj yaqha ukham Gálatas 6:7 liytʼañataki).
jan walinakani peliculanaka, musicanaka, libronaka ajllsna ukhajja, Supayampi demonionakampejj jupanakjjat yatiñsa munksna ukhamwa amuyapjjaspa. Ukatsti demonionakan luräwinakaparuw mitisiyistaspa (17. ¿Kunjamsa Supayajj qollasiñ munatas uñjasajj engañjistaspa?
17 Maysa toqetjja, qollasiñatak chʼamachasktan ukharakiw Supayajj jan walir apistaspa. Jichhürunakan waljaniw usuntapjje. Yaqhepajj inamayaw hospitalanakarusa doctoranakarusa qollayasiñatak sarapjje (Marcos 5:25, 26). Waliptañ laykojj kuns lurjjapjjakiwa, awisajj yatirinakaru layqanakaruw sarapjje. Ukampis cristianonakajj ukanakat amuyasiñasawa, janipuniw layqanakampisa ni yatirinakampisa qollayasiñasäkiti (Levítico 19:31).
Usuntasajj Jehová Diosar confiyañäni.
18. ¿Kuna kasta qollayasiñanaksa cristianonakajj apanukuñasa?
18 Jehová Diosatakejj yatirinakaru layqanakaru sarañajj janipuniw walïkiti, ukham luririnakan oracionapsa Diosajj janiw istʼkiti. Biblian akham siwa: “Khititejj Diosan leyiparu jan istʼañ munkani ukarojja, Diosajj janiw mayisitapjja istʼkarakiniti” sasa (Proverbios 28:9). Ukhamasti kunatï Diosat apaqkistaspa ukanak janipuniw lurañasäkiti, jiwasatï ukanak lursna ukhajja, Diosajj janiw usutäksna ukhas yanapjjestaspati (Salmo 41:3). Ukatwa kunjam qollayasiñtï amtasktan jan ukajj kuna tratamiento katoqañtï amtasktan ukajj walïskiti janicha uk yatjjatañasa, janiw ajayunakana demonionakana chʼamapampi qollatäñ munktanti (Mateo 6:13). Niya ukhamätap amuystanjja, janipuniw ukanakampi qollayasiñasäkiti (32 qhanañchäwi uñjjattʼäta).
SUPAY TOQET PARLIR CUENTONAKA
19. ¿Kunatsa waljanejj Supayar ajjsarapjje?
19 Yaqhep jaqenakajja, Supayas demonionakas janis utjkaspa ukhamwa amuyapjje. Yaqhepasti cheqpachapuniw utjaski sasaw sapjjaraki. Waljaniw demonionakar wal ajjsarapjje, kunayman creencianakampiw apayasipjjaraki. Yaqhepajj kunjamsa Supayasa demonionakasa jan walinak jaqenakar lurapjje ukanakwa cuentasipjje, ukhamatwa mayninakar ajjsarayapjje. Waljaniruw uka cuentonakajj wal gusti, ukanak cuentañsa wal munapjjaraki. Ukhamatwa Supayar ajjsarañajj utji.
20. ¿Kunjamatsa Supayan kʼarinakap parlañar purtʼassna?
2 Tesalonicenses 2:9, 10). Niyakejjay Supayajj wali kʼarïchejja, demonionakat yatiñ munapki ukanakarojj facilakwa kʼarinakampejj engañji. Uka jaqenakajj nä pachpaw uñjta istʼarakta sasaw cuentapjjaspa. Uka cuentonakajja lakat laka sarasajj jukʼamp kʼariruw tukjje. Jiwasajj janiw ukham ajjsarkañ cuentonak repitisajj Supayar yanapañ munktanti (Juan 8:44; 2 Timoteo 2:16).
20 Supayajja jaqenakajj jupar ajjsarapjjaspa ukwa muni (21. ¿Demonionakat parlañat sipansa kunanakatsa parlañasa?
21 Mä cristianotï, demonionakan luräwip uñjirïchi ukhajja, janiw musparayañatakejj ukanak cuentañapäkiti. Jiwasajj janiw kuntï Supayas demonionakas lurapkaspa ukanak ajjsarañasäkiti. Ukat sipansa, Jesusatwa lupʼiñasa parlañasaraki, ukhamarak Jehová Diosajj jupar chʼam churki ukjjatwa parlañasa (Hebreos 12:2). Jesusajj janiw demonionakat parlasajj discipulonakapar musparayirïkänti. Antisas Diosan Reinopata, “Diosan musparkañ luräwinakapatwa” parlirïna (Hechos 2:11; Lucas 8:1; Romanos 1:11, 12).
22. ¿Kun lurañsa jumajj amtta?
22 Amtapuniñäni, Supayajj Jehová Diosat apaqañwa munistu, ukatakejj wal chʼamachasirakini. Kunanakampis Supayajj engañjañ munistu uk jiwasajj yattanwa. Ukatwa demonionakan luräwinakapar janipuni kunansa mitisiñatak amttanjja. Uka amtatas phoqañatakejj janipun Supayampi kunäkipansa engañjayasiñäniti (Efesios 4:27 liytʼañataki). Supay contra saytʼasiñäni ukhajja, janiw trampanakapar jaltʼkañäniti, janirakiw kunsa ajjsarkañäniti, Jehová Diosaw jan walinakat jarkʼaqestani (Efesios 6:11).