19 YATICHÄWI
¿Jehová Diosan Testigonakapajj cheqpach cristianonakäpjjeti?
Jehová Diosan Testigonakapajja, cheqpach cristianonakäpjjewa. ¿Kunatsa ukham sistan? ¿Kunanakarutï creyipki ukanakajj kunarjamasa? ¿Kunatsa Jehová Diosan Testigonakapa satäpjje? ¿Kunjamsa maynit maynikam munasiñ uñachtʼayasipjje? Uka toqenakatwa jichhajj yatjjataskañäni.
1. ¿Jehová Diosan Testigonakapajj kunanaktï creyipki ukajj kunarjamasa?
Jesusajja “Arunakamajj cheqawa” sasaw Diosar säna (Juan 17:17). Jehová Diosan Testigonakapajj Jesusatwa yateqasipjje, kunanaktï creyipki ukajj Diosan Aruparjamapuniwa. Kunjamsa Testigonakajj uñstawayi uka toqet amuytʼañäni. Khä 1870 maranakanjja, Bibliat yatjjatirinaka (estudiantes de la Biblia) sasin uñtʼatäpkäna ukanakajj kunsa Bibliajj cheqpachapun yatichi uk yatjjatañwa qalltapjjäna. Jupanakajj kunarutï creyipkäna ukajj janiw iglesianakajj yatichapkäna ukarjamäkänti, ukampis creyipkäna ukajj Bibliarjamänwa. Kuntï yateqapkäna ukanaksa yaqhanakaruw parlapjjarakïna. a
2. ¿Kunatsa Jehová Diosan Testigonakapa satäpjje?
Jehová Diosan Testigonakapajja Diosat kunatï cheqäki ukwa yatiyapjje, ukatwa Diosajj servirinakapar jupan Testigonakaparjam uñtʼasi (Hebreos 11:4-12:1). Sañäni, nayra tiemponjja Diosajj markapar akham sänwa: “Jumanakaw nayan testigonakajäpjjtajja” sasa (Isaías 43:10 liytʼäta). Jesusarusti ‘Suma Phoqeri Testigo’ sasaw uñtʼasiraki (Apocalipsis 1:5). Ukatwa 1931 maran Jehová Diosan Testigonakapa suti apañ ajllipjjäna. Uka suti apasajj wali kusisitäpjjänwa.
3. ¿Testigonakajj kunjamsa Jesusat yateqasisajj munasirïpjjatap uñachtʼayapjje?
Jesusajj discipulonakaparojj wal munasïna, jupan familiapäpkaspas ukhamwa uñjarakïna (Marcos 3:35 liytʼäta). Jehová Diosan Testigonakapajja, oraqpachan mä familiar uñtataw mayachtʼatäpjje. Ukatwa jupanakajj “jilata”, “kullaka” sasin sasipjje (Filemón 1, 2). Ukatjja “taqpach creyente masinakamar munasipjjam” siski uka mandatoruw istʼapjjaraki (1 Pedro 2:17). Testigonakajja kunaymanitwa munasirïpjjatap uñachtʼayapjje. Sañäni, aka oraqpachan jilat kullakanakapajj jan walinakan uñjasipki ukhajj yanaptʼasipjjewa.
JUKʼAMP YATJJATAÑÄNI
Jehová Diosan Testigonakapatwa jichhajj jukʼamp yatjjatañäni, ukatjja kuna razonanakatsa cheqpach cristianöpjjtwa sasin sapjje ukanakatwa yatjjatarakiñäni.
Cheqpach cristianonakajj kunanakarutï creyipki ukajj Bibliarjamawa, uka toqetwa yaqha jaqenakampejj parlapjjaraki.
4. Testigonakajj kunanakarutï creyipki ukajj Bibliarjamawa
Jehová Diosajja Biblian cheqa yatichäwinakapajj jukʼamp sumaw amuyasini sasaw mä profecía arsüna. Daniel 12:4 liytʼasajja aka toqetwa parltʼapjjäta:
-
Bibliat jukʼat jukʼat sum yatjjatasajja, ¿Diosan servirinakap taypin kunas ‘waljaptañapäna’?
Bibliat yatjjatirinaka sasin uñtʼatäpkäna ukanakajj kunjamsa Diosan Arup wali amuyump yatjjatapjjäna uk uñjañäni, Bibliat yatjjatirinakat maynïrejja Charles Russell satänwa. VIDEO uñtasajja aka toqetwa parltʼapjjäta:
-
Uka videorjamajja, ¿Charles Russell chachasa yanapirinakapas kunjamsa Diosan Arup yatjjatapjjäna?
¿Yatiyätati?
Testigonakan yaqhep creencianakapajj cambiasiwayiwa. ¿Kunatsa ukham sistanjja? Jehová Diosaw Arup sum amuytʼañatakejj jukʼat jukʼat jupanakar yanaptʼawayi, kunjamtï intejj jukʼat jukʼat mistunisin oraqer sum qhantʼki ukhama (Proverbios 4:18 liytʼapjjäta). Bibliajj pachpakïskiwa, ukampis Diosan Arup jukʼamp qhan amuyasaw yaqhep creencianakap cambiawayapjje.
5. Kuna suttï apapki ukarjamaw taqe kuns lurapjje
Testigonakajja, ¿kunatsa Jehová Diosan Testigonakapa suti apañ ajlliwayapjje? VIDEO uñtasajja aka toqetwa parltʼapjjäta:
-
¿Kunatsa Jehová Diosan Testigonakapa suti apañajj wakisïna?
¿Kunatsa Jehová Diosajj testigopäpjjañapatakejj jaqenakar ajlliwayi? Kuna laykutejj Jehová Diosatjja kunayman kʼarinakaw parlasiwayi, ukampis Testigonakapajj kunatï jupat cheqäki ukanakwa yatiyapjje. Kuna kʼarinakas jupjjat parlasiwayi ukanakat mä qhawqha yatjjatañäni.
Yaqhep religionanakajja, Diosarojj mä ídolo toqe jan ukajj yaqha ukhamanak toqew adorsna sasaw yatichapjje. ¿Ukampis ukajj cheqäpachati? Levítico 26:1 liytʼasajja aka toqetwa parltʼapjjäta:
-
¿Uka textonjja kuna cheqa yatichäwis uñsti? ¿Kunsa idolonakat Diosajj amuyi?
Religión pʼeqtʼirinakat yaqhepajja Jesusajj Diosawa sasaw yatichapjje. ¿Ukampis ukajj cheqäpachati? Juan 20:17 liytʼasajja aka toqetwa parltʼapjjäta:
-
¿Kuna cheqa yatichäwis uka texton uñsti? ¿Diosampi Jesusampejj pachpakïpjjeti?
-
Jehová Diosajj Testigonakaparuw jupampit Yoqapampit cheqa yatichäwinak yatiyapjjañapatak ajlliwayi, ¿uk yatisajj kunjamakis jumajj jikjjatasta?
6. Testigonakajj munasiñampiw uñjasipjje
Cristianonakajj cuerpon partenakapar uñtasitäpkaspas ukhamwa Bibliajj qhanañchi. 1 Corintios 12:25, 26 liytʼasajja aka toqetwa parltʼapjjäta:
-
Mayni cristiano masinakapajj tʼaqesipki ukhajja, ¿kunsa cheqpach cristianonakajj lurapjjañapa?
-
Jehová Diosan Testigonakapajja, ¿kunjamsa munasiñat maynit maynikam yanaptʼasipjje uk uñjirïtati?
Mä lugaran Jehová Diosan Testigonakapajj jan walin uñjasipjje ukhajja, oraqpachankir jilat kullakanakapajj jankʼakiw yanaptʼañatak chʼamachasipjje. Ukanakat may uñjañatakejja VIDEO uñtapjjäta. Ukatjja aka toqetwa parltʼapjjäta:
-
Testigonakajj labores de socorro ukanwa yanaptʼapjje, ¿ukham lurasajj kunjamsa cheqpachapun munasirïpjjatap uñachtʼayapjje?
Cheqpach cristianonakajja khitinakatï yanaptʼa munapki ukanakarojj munasiñatwa yanaptʼapjje.
YAQHEPANAKAJJ AKHAM SAPJJEWA: “Jehová Diosan Testigonakapajj jichha uñstayat mä religionakiwa” sasa.
-
Jehová Diosajj jupar adoririnakarojja, ¿kunapachatsa ‘testigonaka’ sasin sisjjäna?
¿KUNSA YATEQAWAYTAN?
Jehová Diosan Testigonakapajj cheqpach cristianonakäpjjewa. Oraqpachanjja mä familiar uñtataw Dios saparuk adorapjje, kunanakarutï creyipki ukajj Bibliarjamarakiwa, ukatjja kunatï cheqäki ukwa Jehová Diosat yatiyapjjaraki.
Amtañataki
-
¿Kunatsa Jehová Diosan Testigonakapa satäñ ajlliwayapjje?
-
¿Kunjamsa Testigonakajj maynit maynikam munasiñat yanaptʼasipjje?
-
¿Jehová Diosan Testigonakapajj cheqpach cristianonakäpjjewa sasmati?
JUKʼAMP YATJJATAÑAMATAKI
Jehová Diosan Testigonakapat jukʼamp yatjjatam.
Jehová Diosan Testigonakapajj kunjamsa mä kʼari yatichäwi qhanstayapjje uk videon uñtam.
Jehová Diosan Testigonakapat kuna jisktʼanakamas utji uk yatjjatam.
“Preguntas frecuentes sobre los testigos de Jehová” (Sección de jw.org)
Stephen chachajj uñisiñatwa sinti jan walinak luräna, ukampis Jehová Diosan Testigonakapar uñtʼañajj kunjamsa vidap cambiañatak yanaptʼawayi uk yatjjatam.
“Jukʼamp jan walinak lurjjayäta” (Yatiyañataki julio 1, 2015)
a Jehová Diosan markapajja, 1879 marat aksaruw Yatiyañataki revista apsuwayi, ukhamat kuntï Bibliajj yatichki uk yatichañataki.
Akanakajj inas gustarakiristam
KUNANAKSA JUKʼAMP JISKTʼASIPJJE
¿Kunjamsa Jehová Diosan Testigonakapajj Bibliat yatichapjje?
Jehová Diosan Testigonakapajj gratisakiw Bibliat yatichapjje, kawknïr Bibliampis yateqañ munta ukajj jumatäjjewa. Jumamp chika yateqapjjañapatakejja, taqpach familiamaruw invittʼasma, amistadanakamarus invittʼarakismawa.
