55 YATICHÄWI
Congregacionamarojj yanaptʼañamawa
Oraqpachanjja, walja waranqa congregacionanwa walja millón jaqenakajj Jehová Diosar wali kusisit yupaychapjje. Uka cristianonakajja instruccionanaksa ewjjtʼanaksa taqe chuymaw katoqasipjje, congregacionarojj kunaymaninakatwa yanaptʼapjjaraki. ¿Jumajj ukhamarakit congregacionaman jikjjatasta?
1. ¿Kunjamsa congregacionarojj tiempomampisa chʼamamampis yanaptʼasma?
Taqeniw congregacionan yanaptʼsna. ¿Congregacionaman jilïr jilat kullakanakasa jan ukajj usutanakas utjiti? ¿Janit jupanakarojj tantachäwinakar sarapjjañapatak yanaptʼkasma? ¿Jan ukajj janit kuntï necesitapki ukanak alarapir sarkasma, utapan mä kunans yanaptʼkarakisma? (Santiago 1:27 liytʼäta). Tantachasiñ Uta qʼomachañansa mantenimiento lurañansa yanaptʼaraksnawa. Janiw khitis ukanak lurañatak obligkistuti, Jehová Diosaru ukhamarak jilat kullakanakasar munasitas laykuw ukanak lurtanjja (Salmo 110:3).
Bautisat Testigonakajja kunaymaninakatwa congregacionan yanaptʼapjjaspa. Biblian mayitanakaparjam phoqer jilatanakajja, siervo ministerialat servisaw congregacionan yanaptʼapjjaspa, tiempompisti ancianöjjapjjarakispawa. Taqe jilat kullakanakarakiw precursorat servisajj predicacionan yanaptʼapjjaspa. Yaqhep jilat kullakanakasti Tantachasiñ Utanak lurañanwa yanaptʼapjjarakispa. Jan ukajj kawkjantï yanaptʼajj munaski ukar sarasaw congregacionan yanaptʼapjjarakispa.
2. ¿Kunjamsa congregacionarojj qollqesampisa kunanakatï utjkistu ukampis yanaptʼsna?
Bibliajj akham siwa: “Wali valorani yänakamampi Jehová Diosar jachʼañcham” sasa (Proverbios 3:9). Congregacionasaru ukhamarak oraqpachan predicasiñapatak qollqempi kunanakatï utjkistu ukanakamp yanaptʼañajja, jiwasatakejj mä privilegiowa (2 Corintios 9:7 liytʼäta). Contribucionanakasajj labores de socorro ukaruw yanaptʼaraki. Waljanirakiw contribución churañatakejj qollqepat mä qhawqha apaqtʼañ yatipjje (1 Corintios 16:2 liytʼäta). Jiwasajja Tantachasiñ Utanakan utjki uka cajanakaruw qollqe irantsna. Jan ukajja Internetan utjki uka donate.pr418.com sat cheqar mantasaw contribucionanak churaraksna. Kunanakatï utjkistu uk churasaw qhawqsa Jehová Diosar munastan uk uñachtʼaysna.
JUKʼAMP YATJJATAÑÄNI
Congregacionan kunjamanakatsa yanaptʼasma uka toqetwa jichhajj yatjjatañäni.
3. Kunanakatï utjktam ukanakampiw yanaptʼasma
Jehová Diosampi Jesusampejja, kusisit chuymampi churirinakarojj wal munasipjje. Jesusajja kunjamsa mä pobre viuda warmejj Jehová Diosatak contribución churäna uk wali valoranitwa uñjäna. Lucas 21:1-4 liytʼasajja aka toqetwa parltʼapjjäta:
-
¿Diosar kusisiyañatakejj walja qollqe churañat wakisi?
-
¿Kunjamsa Jehová Diosasa Jesusas contribución taqe chuyma churatas uñjapjje?
Kunanakatakis contribucionasajj irtasi uk yatiñatakejja, VIDEO uñtapjjäta. Ukatjja aka toqetwa parltʼapjjäta:
-
¿Kunjamsa contribucionanakasajj oraqpachankir congregacionanakar yanaptʼi?
4. Yanaptʼañatakejj jankʼakïñamawa
Bibliajj qellqaskäna uka tiemponjja, Diosar adorañatak lugaranakan sumäñapatakejj Jehová Diosan servirinakapajj janiw qollqempikejj yanaptʼapkänti, jan ukasti taqe chuymaw uka lugaranakan sumäñapatakejj yanaptʼapjjäna. 2 Crónicas 34:9-11 liytʼasajja aka toqetwa parltʼapjjäta:
-
“Jehová Diosan utap” cuidañatakejja, ¿kunanaksa israelitanakajj lurapjjäna?
Kunjamsa Jehová Diosan Testigonakapajj ukham lurapjjaraki uk yatiñatakejja, VIDEO uñtapjjäta. Ukatjja aka toqetwa parltʼapjjäta:
-
¿Kunatsa Tantachasiñ Utanakasan suma qʼomäñapasa suma cuidatäñapas wakisi?
-
Tantachasiñ Utanakasan suma cuidatäñapatakejja, ¿kunsa jumajj lurasma?
5. Jilatanakajj jukʼamp lurañanak katoqañatakiw chʼamachasipjjaspa
Cristiano jilatanakarojja, Diosar serviñan nayrar sartapjjañapatakiw Bibliajj chʼamañchtʼi, ukhamat congregacionan yanaptʼapjjañapataki. Kunjamsa mä jilatajj uk luräna uk yatiñatakejja, VIDEO uñtapjjäta. Ukatjja aka toqetwa parltʼapjjäta.
-
Diosar serviñan jukʼamp jiltañatakisa congregacionan yanaptʼañatakisa, ¿kunanaksa Raúl jilatajj luräna?
Siervo ministerialata jan ukajj ancianot serviñatakejja, kunanaksa jilatanakajj lurapjjañapa uk Bibliaw qhanañchi. 1 Timoteo 3:1-13 liytʼasajja aka toqetwa parltʼapjjäta:
-
Siervo ministerialata jan ukajj ancianot serviñ munapki uka jilatanakajja, ¿kunanaksa lurapjjañapa?
-
¿Familiapajj kunjamäñapasa? (1 Timoteo 3:4, 11 uñjjattʼapjjäta).
-
Jilatanakatï Biblian mayitanakap phoqañatak chʼamachasipjjani ukhajja, ¿kunjamsa ukajj congregacionar yanaptʼaspa?
YAQHEPANAKAJJ AKHAM SAPJJEWA: “¿Jehová Diosan Testigonakapajj kawkitsa qollqe apsupjje?” sasa.
-
¿Jumajj uka toqet kamsasmasa?
¿KUNSA YATEQAWAYTAN?
Congregacionan tiemposampi, chʼamasampi, kunanakatï utjkistu ukampi yanaptʼañatak chʼamachasitasajja, Jehová Diosatakejj wali valoraniwa.
Amtañataki
-
¿Kunjamsa tiemposampisa chʼamasampis congregacionar yanaptʼsna?
-
Kunanakatï utjkistu ukampejja, ¿kunjamsa congregacionar yanaptʼsna?
-
¿Congregacionar kunjamanakat yanaptʼañas jumarojj gustiristamjja?
JUKʼAMP YATJJATAÑAMATAKI
Kunatsa Diosatakejj diezmo churañajj jan wakisjje uk yatjjatam.
Bibliarjamajja, chachanakaruw congregación pʼeqtʼapjjañapatakejj uttʼayasi. Ukampis mä kullakarutï kuntï jilatanakak lurapjjañapäki uk lurañapajj waktʼani ukhajja, ¿kunsa uka kullakajj lurañapa?
“Jilïr irpirinakajj congregacionan kuna luräwinïpjjesa” (Yatiyañataki febrero 2021)
Jilat kullakanakan qellqatanak katoqapjjañapatakejja, kunjamsa jan ajjsariri yaqhep Testigonakajj yanaptʼapjje uk videon uñtam.
Congo markanwa Bibliat apstʼat qellqatanakajj lakirasi (4:25)
Jehová Diosan Testigonakapajja, kunatsa yaqha religionanakjam qollqe jan apthapipki uka toqet yatjjatam.
“¿Cómo se financia la obra de los testigos de Jehová?” (Artículo de jw.org)
Akanakajj inas gustarakiristam
KUNANAKSA JUKʼAMP JISKTʼASIPJJE
¿Kunjamsa Jehová Diosan Testigonakapajj Bibliat yatichapjje?
Jehová Diosan Testigonakapajj gratisakiw Bibliat yatichapjje, kawknïr Bibliampis yateqañ munta ukajj jumatäjjewa. Jumamp chika yateqapjjañapatakejja, taqpach familiamaruw invittʼasma, amistadanakamarus invittʼarakismawa.
